48:559  559  IN  ACTA  APOSTOLORUM  560  nunc  ubi  illo  exstincta  salvi  esse  volunt,  quid  aliud  quam  Deo  resistere  conantur,  ut  praeter  eius  voluntatem  a  morte  ipsi  se  eripiant?  Ergo  gratia,  quam  coacti  gustaverant  in  summa  desperatione,  iam  illis  effluxit:  nec  amplius  quidquam  sapit,  ex  quo  vicinus  portus  apparet.  Nos  vero  admirabile  Dei  consilium  tam  in  servando  Paulo,  quam  in  promissione  sua  implenda  expendere  convenit:  dum  eos  ipsos  adducit  in  terram,  per  quos  non  stetit  quominus  irrita  esset  eius  promissio.  Ita  plerumque  certare  solet  eius  bonitas  cum  hominum  malitia.  Sic  tamen  impiis  est  misericors,  ut  eorum  poenam  in  idoneum  tempus  differens,  a  reatu  minime  eos  eximat:  imo  poenae  gravitate  tantam  compensat  tolerantiae  suae  moram,  CAPUT  xxviii.  1.  Et  quum  evasissent,  tunc  cognoverunt  quod  Melite  insula  vocaretur.  2.  Barbari  vero  praestabant  non  vulgarem  humanitatem  nobis.  Accensa  enim  pyra  recipiebant  nos  omnes  propter  imbrem  qui  imminebat,  et  propter  frigus.  3.  Quum  vero  congregasset  Paulus  sarmentorum  multitudinem  et  imposuisset  in  ignem,  vipera  e  calore  prorepens  invasit  manum  eius.  4.  Ist  vero  viderunt  barbari  pendentem  bestiam  de  manu  eius,  inter  sese  dicebant:  Omnino  homicida  est  homo  hic:  quem  servatum  e  mari,  ultio  non  sinit  vivere.  5.  Et  ille  quidem  excussa  vipera  in  ignem,  mali  nihil  passus  est.  6.  At  iiii  existimabant  futurum  ut  incenderetur  ac  concideret  repente  mortuus.  Diu  autem  illis  exspectantibus,  et  intuentibus  nihil  mali  illi  accidere,  mutata  mente  dicebant  illum  esse  deum.  1.  2.  Initio  capitis  triste  illud  spectaculum  describitur,  quum  tot  homines  madidi,  spumis  etiam  marinis  lutoque  foedati,  frigore  etiam  rigidi,  aegre  ad  litus  reptarunt.  Perinde  enim  id  erat,  ac  si  e  mari  eiecti  forent  ad  diversum  mortis  genus.  Narrat  deinde  Lucas  humaniter  a  barbaris  fuisse  exceptos,  accensam  fuisse  pyram  ut  vestes  siccarent  ac  membra  frigore  languida  foverent.  Tandem  ab  imbre  fuisse  protectos.  Itaque  haec  officia  laudando  suam  gratitudinem  ostendit  Paulus:  et  merito  celebratur  tanta  erga  ignotos  liberalitas,  cuius  rara  exstant  in  mundo  exempla.  Quamquam  autem  barbaris  etiam  gentibus  in  tali  necessitate  aliquem  misericordiae  affectum  extorquet  communis  natura:  dubium  tamen  non  est  quin  Melitensium  animos  ad  clementiam  Deus  flexerit,  ut  firma  rataque  foret  sua  promissio,  quae  mutila  videri  poterat,  si  cui  exitiale  fuisset  naufragium.  3.  Vipera  e  calore.  Iam  eventus  probaverat  verum  et  indubium  Dei  prophetam  esse  Paulum.  Nunc  Deus,  ut  eum  in  terra  sicut  nuper  in  mari  nobilitet,  superiora  oracula  novo  miraculo  obsignat.  Atque  ita  eius  apostolatum  apud  Melitenses  sancit.