40:559  559  PRAELECTIONES  560  Dei.  Dico  enim  quid  sentire  coacti  fuerint  ipsi  profani  homines.  Et  quanquam  Aristoteles  libenter  reiiceret  omnem  sensum  divinitatis,  ut  fuit  malignus  in  hac  parte,  quum  scilicet  ad  captum  ingenii  vellet  Dei  naturam  exigere,  ut  omnia  raperet  ad  acumen  suum:  tamen  exprimitur  ei  haec  confessio,  quod  scilicet  non  temere  semper  accidant  omnia  somnia,  sed  esse  jjtavxtxijV,  hoc  est,  divinationem  in  quibusdam.  Disputat  quidem  unde  sint  somnia,  ad  quam  partem  animi  pertineant,  vel  ad  intellectivam,  vel  sensitivam:  et  concludit  tandem  ex  hac  secunda  proficisci,  sed  quatenus  est  imaginativa.  Postea  quum  quaerit  sintne  somnia,  vel  causae,  vel  alia  eiusmodi,  inclinat  in  hanc  partem,  quod  sint  potius  symptomata,  vel  accidentia  quae  fortuito  contingunt.  Interea  non  potest  hoc  admittere,  somnia  divinitus  immitti:  et  rationem  addit,  quod  multi  stupidi  homines  somnient,  et  eadem  sit  in  eorum  somniis  ratio,  quae  posset  perspici  in  sapientissimis.  Deinde  adiicit  etiam  bruta  animalia.  Sunt  enim  quae  somniant,  ut  elephanti.  Quum  ergo  brutis  animalibus  communia  sint  somnia,  quum  sapientes  rarius  somnient  quam  rudissimi  idiotae,  probabile  non  est  Aristoteli,  somnia  immitti  divinitus.  Negat  igitur  esse  ^eon^nxoi  vel  .frsia,  sed  6at[xovca,  hoc  est,  fingit  aliquid  esse  medium  inter  divinitatem  et  daemonicam  naturam.  Scimus  autem  quam  in  partem  accipiant  philosophi  nomen  illud  quod  in  scripturis  male  sonat.  Dicit  igitur  somnia  immitti  ab  illis  inspirationibus  aereis,  non  autem  a  Deo:  quia,  inquit,  non  est  divina  hominis  natura,  sed  est  inferior:  et  tamen  supra  terrenam,  hoc  est,  quasi  angelica.  Cicero  hac  de  re  prolixe  disputat  I.  lib.  de  Divinatione,  quanquam  refellit  quaecunque  dixerat  lib.  II.  ut  erat  Academicus.  Deinde  etiam  inter  alia  argumenta  quibus  probat  esse  deos  somnia  addit,  Quod  si  qua  est  divinatio  in  somniis,  sequitur  esse  aliquod  numen  in  coelo  :  neque  tamen  mens  hominis  posset  aliquod  somnium  concipere  absque  inspiratione  coelesti.  Valet  igitur  ratio  illa  quam  Cicero  affert,  Si  est  divinatio  in  somniis,  esse  aliquod  numen.  Nota  est  etiam  distinctio  quae  ponitur  a  Macrobio:  quanquam  inscite  confundit  et  genera,  et  species,  ut  erat  homo  non  magni  iudicii,  sed  rhapsodos  qui  congerebat  absque  delectu  quidquid  legerat,  et  sine  ratione.  Maneat  igitur  hoc  fixum,  non  temere  fuisse  hanc  opinionem  infixam  omnium  cordibus,  esse  inter  somnia  aliquam  speciem  divinationis.  Unde  etiam  illud  Homericum,  lx  Aioc  satxv  ovap.  Si  quidem  non  intelligit  hoc  generaliter  neque  promiscue  de  somniis  quibuslibet,  sed  ubi  personas  heroum  in  medium  adducit,  simul  etiam  hoc  notat:  fuisse  divinitus  admonitos  in  ipso  somno.  Iam  venio  ad  somnium  Nebuchadnezer.  In  hoc  somnio  duo  notanda  sunt,  quod  scilicet  excussa