35:559  559  TROISIEME  SERMON  560  mais  cela  ne  viendroit  nullement  a  propos.  Oar  Ezechias  n'a  pas  voulu  dire  que  ce  fust  un  benefice  commun  ne  vulgaire:  plustost  il  a  senti  que  Dieu  avoit  besongne  envers  luy  d'une  facon  extraordinaire.  Voyla  donc  ou  tend  son  propos:  c'est  que  ce  miracle  de  Dieu  ne  sera  iamais  mis  sous  le  pied:  mais  encores  qu'il  soit  decede,  qu'on  en  parlera.  Par  ci  devant  il  avoit  dit,  II  me  souviendra  tout  le  temps  de  ma  vie  de  ce  que  i'ay  este  chastie,  et  sentiray  les  coups,  car  i'iray  comme  tremblant.  Maintenant  il  estend  plus  au  long  et  au  large  ce  qu'il  avoit  dit,  c'est  ascavoir  que  non  seulement  il  sera  humilie  devant  Dieu,  mais  que  tout  le  monde  aura  occasion  de  dire,  Voy  ci  un  acte  digne  de  memoire  perpetuelle  que  Dieu  a  fait  a  un  homme:  car  nous  devons  aussi  desirer  que  tous  les  biens  que  Dieu  nous  eslargit,  soyent  cognus  des  autres,  afin  qu'ils  y  prennent  exemple,  et  qu'ils  s'en  servent  a  edification.  Et  nous  voyons  que  quand  Dieu  veut  estre  exauce  en  ses  requestes,  il  adiouste  quasi  tousiours  ceste  raison:  c'est  que  chacun  y  pensera,  que  les  bons  en  seront  edifiez,  et  les  meschans  confus.  Seigneur,  dit-il,  quand  on  verra  que  tu  assistes  ainsi  aux  tiens,  tous  ceux  qui  t'invoquent  s'esiouiront,  et  seront  tant  plus  confermez  en  attendant  le  semblable:  et  puis  les  meschans  seront  confus:  et  encores  qu'ils  se  mocquent  maintenant  de  la  fiance  que  i'ay  en  toy,  en  voyant  que  tu  m'as  afflige,  s'ils  cognoissent  que  ie  n'ay  point  este  frustre  quand  i'ay  ainsi  eu  mon  recours  a  toy,  ils  en  seront  estonnez.  Autant  donc  en  dit  maintenant  Ezechias,  c'est  ascavoir  que  non  seulement  ce  miracle  de  Dieu  luy  profitera,  mais  a,  tous  autres:  comme  c'a  este  une  chose  cognue  et  notoire  par  tout.  Et  puis  il  amplifie  que  cela  ne  sera  point  pour  un  petit  de  temps,  mais  qu'encores  apres  son  trespas,  d'autant  que  sa  vie  luy  a  este  ainsi  prolongee,  il  en  sera  aussi  parle  a  iamais,  car  (d  i  t-il)  tu  m'as  assopi.  Ce  mot  d'assopir  emporte  qu'il  estoit  comme  au  sepulchre,  et  puis  qu'il  a  este  vivifie,  comme  de  faict  encores  ce  miracle  est  auiourd'huy  celebre  en  l'Eglise  de  Dieu,  et  sera  iusques  a  la  fin  du  monde.  Ainsi  donc  nous  voyons  comme  il  n'a  pas  seulement  proufite  a  une  seule  personne,  mais  que  c'a  este  une  confirmation  en  general  a  tous  fideles,  a  ce  qu'ils  attendent  que  Dieu  aura  pitie  d'eux  en  la  necessite  pour  les  secourir,  et  combien  qu'il  ne  leur  prolonge  point  la  vie  en  telle  facon,  que  neantmoins  il  les  gardera  iusques  en  la  fin,  et  que  s'il  les  voit  abbatus,  il  les  relevera:  il  leur  donnera  quelque  signe  de  sa  pitie,  tellement  qu'en  la  vie  et  en  la  mort  ils  le  sentiront  tousiours  leur  Sauveur,  et  cognoistront  qu'ils  n'ont  point  este  delaissez,  ni  abandonnez  de  luy.  Voyla  aussi  a  quoy  a  proufite  ce  Cantique  et  a  quelle  intention  il  a  este  compose.