32:559  559  SEPTIEME  SERMON  560  Ie  dy,  qu'un  chacun  le  face  en  son  particulier.  Quand  nous  oyons  ceste  sentence  generale,  que  Dieu  est  misericordieux.  Avons-nous  cela?  Nous  le  pouvons  hardiment  invoquer,  iusqu'a  dire,  combien  que  ie  soye  une  povre  creature  desesperee,  puis  qu'il  est  dit  que  Dieu  est  misericordieux  a  ceux  qui  Pont  offense  :  i'auray  mon  refuge  a  luy  et  a  sa  misericorde,  le  priant  qu'il  me  la  vueille  faire  sentir.  Puis  qu'il  est  dit,  Que  Dieu  a  tant  aime  le  monde,  qu'il  n'a  point  espargne  son  Fils  unique  :  mais.l'a  livre  a  la  mort  pour  nous:  il  faut  que  ie  regarde  la.  Car  il  est  bon  besoin  que  Iesus  Christ  me  tire  de  la  damnation  en  laquelle  ie  suis.  Puis  qu'ainsi'est,  que  l'amour  et  la  bonte  de  Dieu  s'est  declaree  au  monde  en  ce  que  Iesus  Christ  son  Fils  a  souffert  mort  et  passion,  il  faut  que  ie  in'approprie  cela,  que  ie  cognoisse  que  c'est  a  moy  que  Dieu  parle,  qu'il  veut  que  i'entre  en  possession  d'une  telle  grace,  et  que  i'en  iouisse.  Nous  voyons  maintenant  comment  c'est  qu'il  nous  faut  prattiquer  ce  mot,  que  nous  puissions  dire  a  Dieu,  Seigneur,  qu'il  te  souvienne  de  ta  parole  envers  ton  serviteur.  Si  quelcun  replicque,  que  ce  n'est  pas  a  dire,  que  Dieu  ait  parle  a  luy,  quand  il  a  parle  a  tous  en  general:  notons  que  Dieu  presente  sa  grace  en  commun  aux  hommes,  afin  qu'un  chacun  puis  apres  entre  en  soy:  et  qu'il  ne  doute  point  qu'estant  membre  de  l'Eglise,  il  n'ait  part  et  portion  a  ce  qui  est  commun  a  tous  fideles.  Et  quand  il  est  dit,  Esiouy-toy,  fille  de  Sion,  voy  ci  ton  Roy  qui  vient  vers  toy:  il  faut  que  tous  fideles  en  general  recoyvent  ceste  promesse-la,  et  que  depuis  le  plus  grand  iusqu'au  plus  petit,  tous  aussi  cognoissent  que  Dieu  s'adresse  a  eux,  et  les  convie,  afin  que  ceste  promesse-cy  ait  son  accomplissement,  et  sa  perfection  envers  eux.  Et  voyla  pourquoy  les  sacremens  nous  sont  donnez,  non  point  en  commun  :  mais  a  un  chacun.  On  ne  fera  point  un  Baptesme  a  toute  l'Eglise:  mais  chacun  sera  baptize  au  Nom  de  nostre  Seigneur  Iesus  Christ.  Et  le  Baptesme  qu'emporte-il,  sinon  une  confirmation  de  toutes  les  promesses  que  Dieu  donne  en  commun  au  corps  de  son  Eglise?  Voyla  donc  comme  les  promesses  sont  speciales  en  la  vertu  du  Baptesme.  Autant  en  est-il  de  la  Cene.  Quand  nous  venons  recevoir  le  pain  et  le  vin  de  la  Cene,  nostre  Seigneur  Iesus  nous  declare  la,  que  tout  ainsi  qu'il  a  une  fois  espandu  son  sang  pour  nostre  redemption  et  pour  nostre  salut,  qu'aussi  son  corps  est  nostre  viande  et  nostre  nourriture.  Voyla  donc  comme  nous  devons  estre  pleinement  asseurez,  que  c'est  a  nous  que  Dieu  parle,  et  qu'il  offre  aussi  sa  misericorde  a  nous  en  commun.  Et  voyla  pourquoy  aussi  David  adiouste,  Que  c'a  este  sa  consolation  en  son  adversite,  et  quHl  en  a  este  vivifie.  Car  c'est  le  vray  usage  auquel  nous