7:558  Tali  in  Deum  fide,  quicunque  misericordiae  [pag.  12]  divinae  ac  Christi  merito  nititur,  seque  eisdem  committit,  accipit  promissionem  spiritus,  et  sic  iustificatur  per  fidem  in  Deum,  secundum  scripturam  (Gal.  3,  24),  ut  ei  non  solum  remittatur  peccatum,  sed  idem  etiam  sanctificetur  et  renovetur  per  spiritum  sanctum:  ea  namque  fides  impetrat  donum  spiritus  sancti,  quo  diffunditur  caritas  in  cordibus  nostris  (Rom.  5,  5).  Quae  quatenus  ad  fidem  et  spem  accedit,  eatenus  per  iustitiam  inhaerentem  vere  iustificamur.  Haec  enim  iustitia,  fide,  spe  ac  caritate  ita  constat,  ut  si  aliquam  harum  iustitiae  huic  subtraxeris,  eandem  ipsam  mancam  plane  reliqueris.  De  caritate  et  bonis  operibus.  Caritas  autem,  quae  est  finis  praecepti  et  plenitudo  legis  (1  Tim.  1,  5;  Rom.  13,  10),  simul  ac  iustificationem  ingreditur,  foecunda  est,  iamque  omnium  bonorum  ope*  rum  semina  intra  se  ipsam  includit:  quae  ut  parata  est  ferre  bonos  iustitiae  fructus  (Psal.  1,  3),  ita  fert  eos  in  iustificato1)  quamprimum,  et  quoties  debet,  eique  operandi  facultas  impedimento  aliquo  non  adimitur.  Itaque  fides,  quae  per  dilectionem  non  operatur  (Gal.  5,  6),  non  videtur  viva,  sed  sterilis  potius  ac  mortua,  autore  Iacobo  (2,  20).  Quin  imo  homo  quantalibet  fide  praeditus,  si  ei  desit  caritas,  manet  in  morte,  ut  Ioannes  testatur  (1  Ioann.  3,  14),  quam  praesertim  caritas  iam  [pag.  13]  esse  debeat  pars  vitae  aeternae  in  nobis  inchoatae,  et  tandem  per  glorificationem  perficiendae.  Quanquam  enim  fides  et  spes  desinent,  quum  migraverimus  in  illa  aeterna  tabernacula,  caritas  tamen  manebit  (1  Cor.  13,  8),  et2)  in  eadem  ipsa  introibit,  ut  secundum  eam  beatissime  vivere,  ac  Deo,  qui  tum  nobis  erit  omnia,  sempiterno  aevo  frui  possimus.  Est  tamen  fides  nihilominus  vera,  qua  Christiani  ab  infidelibus  discernuntur,  quatenus  scripturis  et  revelatis  a  Deo  assentiuntur,  etsi  eadem  a  caritate  disiuncta  sit.  Ex  hoc  maximo  Dei  dono,  quod  quanto  magis  in  nobis  augescit,  tanto  magis  vetustas  carnis  nostrae  imminuitur,  quae  manant  tanquam  e  fonte  bona  opera,  ad  salutem  cuiusque  iustificati  tam  necessaria  sunt,  ut  qui  ea  non  fecerit  continuo,3)  gratiam  Dei  amittat,  et  tanquam  palmes  inutilis  exscindatur  a  Christo,  et  in  ignem  proiiciatur,  ut  Christus  ipse  in  evangelio  suo  docet  (Ioann.  15,  6;  Matth.  7,  19).  Et  quanquam  opera  haec  talia  sunt,  ut  Deus  iure  quodam  suo  ea  a  nobis  exigere  possit,  et  sancti,  1)  Sic  ead.  authenticae.  Ganevenses  mendose  :  iustificatos,  ex  quo  Beza  per  coniecturam  fecit:  iustificatis.  2)  et  nobiscum  in  Aug.  Mog.  Herg  ed.  Calv.  germ.  (mit  uns,  avec  nous).  3)  Pro  continuo,  iidem  habent:  quum  tenetur  (da  er  soli,  quand  il  y  est  tenu).