5:558  se  pourra,  que  la  discipline  de  l'Eglise  soit  remise  en  son  entier,  et  que  de  iour  en  iour  et  de  plus  en  plus  elles  s'accroissent.  Or  en  l'Eglise  il  fault  chercher  et  considerer  double  discipline  l'unesdu  clerge  et  l'aultre  du  peuple:  a  celle  fin  que  celle  du  clerge  soit  mise  en  ordre.  Il  est  necessaire  devant  toutes  choses  que  nul  ne  soit  receu  pour  gouverner  et  regir  les  Eglises,  s'il  n'est  approuve  et  idoyne,  ce  qui  doit  estre  faict  en  tous  ministres,  de  quelque  degre  qu'ilz  soyent,  tant  souverains  que  moyens  et  petiz.  Parquoy  il  fauldra  que  les  elections  Canoniques  soyent  reduictes  en  usaige  et  que  les  examens  de  ceux  qui  seront  esleuz,  les  impositions  des  mains  et  confirmations  soyent  reiglees,  selon  la  reigle  Apostolique,  et  Canons  anciens:  et  ce  fauldra  bien  prendre  garde,  que  ce  que  Christ  a  commande  de  distribuer  pour  neant,  soit  distribue  en  pur  don:  et  que  toute  tache  de  symonie  soit  totallement  ostee  de  l'Eglise.  Item,  que  nul  ne  soit  ordonne  sinon  que  a  un  certain  ministere:  comme  porte  le  Concile  dc  Calcedoyne.  [fol.  56]  En  apres  affin  qu'un  chascun  exerce  diligemment  son  office,  et  que  ce  pendant  on  se  garde  bien  de  mettre  la  faulcille  en  la  moisson  d'aultruy;  selon  que  enseignent  les  institutions  des  Canons  anciens.  Et  entre  les  aultres  choses,  que  les  Evesques  d'Allemaigne,  lesquelz  par  la  beneficence  de  l'Empereur,  ont  l'administration  civile  conioincte  au  gouvernement  des  Eglises,  ayant  devant  toutes  choses  tel  esgard  et  soing  sur  les  Eglises  qu'ilz  doyvent  avoir  partout:  et  que  principalement  ilz  s'employent  a  pourveoir  aux  Eglises  de  suffisans  ministres,  et  qu'ilz  n'imposent  tout  soubdain  les  mains  a  personne  (1  Tim.  5,  22),  ains  qu'ilz  constituent  personnages,  ayans  bon  tesmoignaige,  remplis  du  sainct  Esperit  et  sagesse,  non  pour  estre  oisifz,  ains  pour  travailler  (Act.  G,  3).  D'avantage  puis  qu'il  n'y  a  rien  plus  necessaire,  il  fauldra  soigneusement  veiller  et  avoir  esgard,  que  la  vie  et  meurs  des  Ministres  soyent  correspondans  a  leur  enseignement  pour  le  prouver:  que  ilz  instituent  le  peuple  par  leur  vie,  puis  par  leur  doctrine  :  de  paour  qu'ilz  ne  destruysent  par  exemple,  ceux  qu'ilz  edifient  par  parolles,  et  que  les  meurs  respondent  aux  ministeres  d'un  chascun.  En  cecy  nous  devons  avoir  pour  un  tresbon  precepteur  l'Apostre  S.  Paul;  lequel  diligemment  enseigne  son  bien  ayme  Timothee  et  Tite,  quel  doit  estre  l'Evesque,  lequel  aussi  il  nomme  prestre  :  quelz  aussi  doyvent  estre  les  Diacres:  de  laquelle  reigle  Apostolique  procedent  quasi  tous  les  Canons,  qui  touchent  la  vie  des  Ministres.  Et  pource  que  les  Peres  ont  congneu,  que  l'Apostre  estoit  grandement  soigneux  a  enhorter,  que  ceux  qui  ministroyent  aux  Eglises  estant  delivrez  de  toute  solicitude,  eussent  le  soing  des  choses  seu-