35:558  gation,  si  Dieu  nous  conserve  en  ceste  vie,  pource  que  nous  prenons  cela  comme  un  ordre  naturel.  Il  est  vray  que  nous  devenons  tantplus  qu'il  nous  espargne,  sentir  sa  bonte  paternelle:  mais  nous  ne  le  faisons  pas,  et  ainsi  a  cause  de  nostre  stupidite  il  faut  que  Dieu  besongne  d'une  facon  diverse.  Or  donc  (comme  i'ay  desia  dit)  si  Dieu  nous  retire  comme  du  sepulchre,  que  nous  ayons  este  comme  pour  un  temps  delaissez,  et  qu'il  semblast  que  nous  fussions  retrancbez  de  toute  esperance,  que  mesmes  les  hommes  ne  daignassent  nous  regarder  comme  si  nous  estions  de  povres  charongnes  pourries:  si  la  dessus  Dieu  a  pitie  de  nous,  en  cela  il  donne  tant  plus  grand  lustre  a  sa  misericorde,  et  avons  occasion  de  recognoistre  tant  plus  quelle  bonte  et  iustice  infinie  c'est,  de  ce  que  Dieu  nous  a  ainsi  retirez  de  la  mort.  Voyla  qu'a  voulu  dire  Ezechias.  Seigneur  (dit-il)  tu  as  aime  mon  ame.  Et  comment?  y  avoit-il  quelque  chose  qui  peust  inciter  Dieu  a  l'aimer?  helas  non,  car  ce  n'estoit  rien  qu'une  ombre,  une  chose  morte.  Pestoye,  dit-il,  au  sepulchre,  et  alors  tu  as  declare  ton  amour  envers  moy.  Quand  donc  nous  serons  desfigurez  du  tout,  et  que  Dieu  neantmoins  daignera  bien  ietter  sa  veue  sur  nous,  et  en  avoir  le  soin,  en  cela  nous  devons  beaucoup  plus  estre  enflammez  a  benir  son  nom,  et  ]uy  rendre  telle  louange  que  fait  yci  le  bon  Roy  Ezechias.  Yoyla  donc  en  somme  ce  que  nous  avons  a  retenir  de  ce  passage:  c'est  d'autant  que  Dieu  voit  que  nous  ne  sommes  point  assez  touchez  des  biens  qu'il  nous  fait,  et  de  ses  graces,  qu'il  faut  que  nous  soyons  tellement  abbatus,  et  en  telle  extremite,  qu'il  n'y  ait  plus  esperance  de  vie:  et  mesmes  que  quand  nous  serons  comme  reiettez  de  luy  et  des  hommes,  que  sur  cela  il  nous  recoyve  a  merci.  Voyla  donc  comme  nous  sommes  touchez  a  bon  escient  pour  luy  rendre  graces,  cognoissans  qu'il  n'a  rien  cognu  en  nous  que  nos  miseres,  quand  il  a  despioye  sa  misericorde.  Or  cependant  il  dit  aussi  d'autre  coste,  Seigneur  ceux  qui  vivrons  outre,  cognoistront  que  la  vie  de  mon  esprit  a  este  prolongez  II  est  vray  que  ce  passage,  a  cause  qu'il  y  a  grande  brief  vete,  est  obscur:  car  ce  n'est  point  une  sentence  couchee  tont  au  long,  mais  ce  sont  quasi  mots  rompus.  Il  dit  en  somme,  Seigneur,  ils  vivront  entr'eux,  et  en  eux  tous  la  vie  de  mon  esprit:  tu  m1  as  assopi,  et  tu  m'as  vivifie.  Pource  qu'il  ne  parle  point  yci  des  annees  au  commencement  du  verset,  et  aussi  qu'il  n'exprime  point  ceux  qui  vivront,  voyla  qui  cause  la  briefvete:  mais  quand  nous  aurons  regarde  tout  de  pres,  il  est  certain  qu*Ezechias  a  voulu  dire  que  le  miracle  qui  avoit  este  fait  en  sa  personne  seroit  cognu  non  seulement  pour  un  iour,  mais  encores  apres  son  trespas.  Il  est  vray  qu'aucuns  exposent  que  Dieu  prolongera  aussi  bien  la  vie  a  d'autres: