32:558  Seigneur,  qu'il  te  souvienne  de  ta  parole.  Or  David  parle  selon  la  rudesse  des  hommes,  et  l'infirmite  qui  est  au  sens  humain:  car  il  est  bien  certain,  que  Dieu  n'oublie  point  ce  qu'il  a  dit,  tellement  qu'il  le  salle  soliciter,  afin  qu'il  s'en  souvienne:  comme  les  hommes  mortels  promettront  beaucoup  a  la  volee,  et  cependant  il  ne  leur  en  souvient  tantost  plus.  Or  il  ne  nous  faut  point  imaginer  que  Dieu  soit  tel,  mais  cependant  il  nous  permet  de  beguayer  a  nostre  facon,  quand  il  differe  d'accomplir  ses  promesses,  et  que  nous  ne  scavons  qui  l'empesche:  Dieu  (di-ie)  alors  nous  permet  de  parler  a  nostre  guise,  et  dire,  Seigneur,  qu'il  te  souvienne:  c'est  a  dire,  que  tu  monstres  par  effect  que1  tu  n'as  point  nais  en  oubly  les  promesses  que  tu  nous  as  faites.  Tu  n'es  pas  comme  les  hommes,  qui  apres  avoir  tenu  quelque  propos,  ne  pensent  plus  a  ce  qu'ils  ont  dit.  Seigneur  donc,  monstre  que  tu  n'es  point  semblable  aux  hommes  mortels:  mais  quand  tu  as  dit  le  mot,  qu'il  faut  que  la  chose  soit  faite,  et  qu'elle  s'execute.  Voyla  donc  comme  nous  avons  a  proceder,  apres  avoir  cognu  qu'il  nous  faut  estre  appuyez  sur  les  promesses  de  Dieu,  que  nous  le  requerions  qu'il  nous  monstre  par  experience,  que  nous  ne  serons  point  trompez  en  nous  confiant  en  luy.  Or  notamment  il  dit,  Ta  parole  envers  ton  serviteur.  Et  c'est  un  mot  qui  merite  bien  d'estre  poise,  pource  qu'il  y  en  a  bien  peu,  quand  il  est  question  de  la  parole  de  Dieu,  qui  cognoissent  qu'-  elle  s'adresse  a  eux:  et  sans  cela  neantmoins,  tout  n'est  rien.  Nous  pourrons  lire  cent  fois  la  Bible,  iamais  nous  ne  prendrons  goust  aux  promesses  de  Dieu,  ou  bien,  si  nous  l'y  prenons,  ce  ne  sera  pas  pour  estre  asseurez,  et  y  concevoir  une  vraye  certitude  de  salut:  sinon  que  nous  ayons  cognu  que  c'est  a  nous  que  Dieu  parle,  que  c'est  a  nous  qu'il  veut  faire  sentir  sa  misericorde,  et  son  amour  paternel.  Si  nous  concevons  les  promesses  de  Dieu  comme  pendantes  en  l'air,  que  Dieu  ait  parle  et  que  nous  ne  scachions  a  qui,  que  sera-ce/  qu'est  ce  que  nous  en  pourrons  recueillir?  Ainsi  donc,  notons  bien  qu'en  ce  mot  Seigneur,  qu'il  te  souvienne  de  ta  parole  envers  ton  serviteur,  David  applique  a  soy  les  promesses  qu'il  avoit  receues.  Car  il  scait  qu'elles  luy  appartiennent,  d'autant  qu'il  ne  doute  pas  qu'il  ne  soit  des  enfans  de  Dieu.  Les  ayant  donc  receues  en  telle  foy,  il  dit,  Seigneur,  tu  n'as  point  parle  a  cestuy-cy  ny  a  cestuy-la,  comme  si  ie  ne  scavoye  a  qui:  mais  ie  ne  doute  pas  que  tu  ne  m'ayes  voulu  appeller  a  toy,  que  tu  ne  m'ayes  declare  que  i'estoye  participant  de  tous  les  biens  que  tu  as  promis  a  tes  fideles.  Voyla  donc  comme  il  nous  en  faut  faire.  Et  ainsi,  quand  il  est  dit  en  l'escriture  saincte,  Que  c'est  une  parole  fidele  que  Dieu  a  envoye  son  Fils,  pour  rendre  la  vie  a  tous  povres  pecheurs:  il  nous  faut  enclose  en  ce  rang-la.