25:558  maligne  et  inique  carpant  potius  quam  rationi  cedere  videantur.  Atque  hoc  exemplum  observatu  dignum  est,  ut  si  quando  re  non  satis  cognita  sumus  offensi,  a  pertinacia  caveamus:  sed  potius  statim  deflectamus  ad  aequitatem.  Porro  quod  puri  a  scelere  reperti  sint  filii  Ruben,  Gad,  et  Manasse,  id  Dei  gratiae  adscribunt  Phinees  et  legati.  Nam  his  verbis:  Novimus  quod  Iehova  sit  in  medio  nostri,  significant  Deum  sibi  fuisse  propitium,  et  curam  gessisse  ipsorum  salutis.  Quod  diligenter  observandum  est  :  quia  inde  rursum  colligitur,  nos  a  Deo  nunquam  deficere,  vel  ad  impietatem  prolabi,  nisi  nos  deserat,  et  derelictos  coniiciat  in  sensum  reprobum.  Ergo  omnis  idololatria  ostendit  iam  ante  alineatum  fuisse  Deum,  ut  poenas  scelerum  iusta  excaecatione  exigeret.  Interea  tenendum,  non  aliter  nos  perstare  in  pietate,  nisi  quamdiu  Deus  praesto  adest,  nosque  manu  sua  sustinet,  ac  spiritus  sui  virtute  confirmat  ad  perseverantiam.  Dicunt  Phinees  et  legati,  se  fuisse  liberatos  a  filiis  Ruben,  Gad,  et  Manasse:  quia  iam  amplius  non  sit  metuenda  Dei  vindicta  ubi  purgata  est  omnis  sceleris  suspicio.  Similis  tandem  in  toto  populo  aequitas  et  humanitas  se  profert,  quia  defensionem  suorum  amplexi  gratias  agunt  Deo,  quod  populum  suum  immunem  a  piaculo  servaverit.  Et  quamvis  subito  incaluerant  sedatis  tamen  animis  discedunt.  Similiter  duae  tribus  et  dimidia  sedulo  ad  praestandum  officium  incumbuut,  ubi  nomen  imponunt  altari,  quod  rectum  eius  usum  docendo  ab  omni  superstitione  populum  retrahat.  CAPUT  XXIII.  1.  Fuit  autem  post  dies  multos  postquam  requiem  dedit  Iehova  Israeli  ab  omnibus  inimicis  eorum  in  circuitu,  Iosue  senuit}  et  venit  in  dies:  2.  Tunc  vocavit  Iosue  omnem  Israel,  seniores  eius,  et  capita  eius,  et  iudices  eius,  et  praefectos  eius,  dixitque  ad  eos:  Ego  senui,  et  veni  in  dies:  3.  Vosque  vidistis  omnia  quae  fecerit  Iehova  Deus  vester  omnibus  gentibus  istis  in  conspectu  vestro,  quod  Iehova  Deus  vester  pugnaverit  pro  vobis.  4.  Videte,  sorte  distribui  vobis  gentes  istas  residuas  in  haereditatem  per  tribus  vestras,  a  Iordane,  atque  omnes  gentes  quas  disperdidi  usque  ad  mare  magnum  ab  occasu  solis.  5.  Iehova  autem  Deus  vester  ipse  propulsabit  eas  a  facie  vestra,  et  expellet  a  conspectu  vestro,  et  iure  haereditario  possidebitis  terram  earum,  quemadmodum  loquutus  est  Iehova  Deus  vester  vobis.  6.  Roborate  igitur  vos  valde,  ut  custodiatis,  et  faciatis  quidquid  scriptum  est  in  libro  legis  Mosis,  ut  non  recedatis  ab  eo  neque  ad  dextram,  neque  ad  sinistram.  7.  Neque  commisceamini  gentibus  istis  quae  remanent  vobiscum,  et  nomen  deorum  earum  ne  commemoretis,  nec  adiuretis,  neque  serviatis