9:557  557  AD  YERSIPELLEM  MEDIATOREM.  558  ambigat  eam  solam  ecclesiae  atque  evangeliorum  unitam  pacem  esse  quae  Christi  est?  Pacem  Christi  vocat  sanctus  vir,  quae  sic  pios  inter  se  coniungit  ut  sub  capite  contineat  :  quae  fundata  est  in  sincero  consensu,  ut  eodem  omnes  animo  et  uno  quasi  ore  Deum  patrem  invocent:  cmius  denique  vinculum  est  pura  evangelii  doctrina  :  non  qua  laceratur  unica  salutis  nostrae  custos  Dei  veritas,  et  exitiale  fit  inter  Deum  et  nos  divortium,  [pag.  133]  Quicunque  hoc  sunt  animo,  ut  mori  centies  malint  quam  nefaria  decisione  mutilare  integram  fidei  doctrinam,  legitimi  demum  et  idonei  sedandis  contentionibus  erunt  autores.  Nec  minus  improbe  nobis  invidiam  facere  tentat  ex  magnatum  et  potentum  favore,  a  quo  si  pependissent  qui  praecipuam  in  asserenda  pietatis  doctrina  operam  navarunt,  necesse  fuisset  ad  formidabiles  minas,  saeva  edicta,  et  mortiferos  impetus  non  trepidare  modo,  sed  penitus  concidere.  Atque  ut  propitios  hodie  habeant  totius  mundi  proceres,  quid  inde  poterit  lucri  accedere?  Nihil  ergo  putidius  quam  illis  obiicere  [pag.  134]  quod  remotissimum  est,  ac  si  opes,  potentiam,  divitias  et  honores  affectent.  Verum  hic  quoque  se  opponit  censor,  dum  satis  amplam  pietatis  exercendae  materiam  propositam  esse  asserit,  in  quibus  rebus  utrinque  convenitur.  De  fide,  inquit,  collocanda  in  Christum  mortuum  et  resuscitatum,  de  caritate  Deo  et  proximo  exhibenda,  nulla  controversia  est.  Atqui  in  his  duobus  capitibus  pietatis  summa  consistit.  Nugator,  an  fidem  in  morte  et  resurrectione  Christi  locant,  qui  libero  suo  arbitrio  et  meritis  prope  exinaniunt  vim  eius  et  fructum?  qui  fictitiis  satisfactionibus  [pag.  135]  obruunt  gratuitam  peccatorum  veniam,  et  qui  ea  expiari  volunt  quotidianis  sacrificiis?  qui  patronos  et  advocatos  hinc  inde  sibi  accersendo,  Christum  in  turba  occultant?  Et  quum  invitus  agnoscas,  pietatem  coli  dum  obtemperamus  Dei  mandatis,  an  non  de  hoc  etiam  capite  acerrima  nobis  est  dimicatio:  dum  nos  legislatore  uno  contenti  in  eius  lege  acquiescimus:  pars  adversa  nihil  quam  humana  commenta  et  placita  opprimendis  miseris  conscientiis  obtrudit?  Verum  quidem  est  quod  attexis,  Christi  discipulos  non  sectari  subtiles  de  rebus  arduis  quaestiones,  nec  curiose  investigare  res  [pag.  136]  latentes  et  abditas:  modo  ne  in  hoc  simplicitatis  fuco  lateret  astutiae  venenum.  Porro  quum  nulli  minus  argutiis  indulgeant,  quam  quos  non  minus  indigne,  quam  maligne  perstringis  :  an  non  vulpes  sub  alieno  habitu  te  gallinis  insinuas  custodem?  Esto:  simplicitas  inter  Dei  filios  primum  gradum  teneat  :  an  tibi  videntur  de  rebus  frivolis  rixari,  qui  contendunt  in  natura  nostra  nihil  esse  nisi  vitiosum  et  corruptum,  donec  spiritu  Dei  regeniti  iustitiae  vivamus?  An  inanis  tibi  est  speculatio,  mentes  nostras  caecas  esse,  donec  coelesti  gratia  illuminentur?  corda  esse  perversa  et  contumaciae  [pag.  137]