6:557  ENTRE  LES  PAPISTES.  servis  chascun  en  sa  maison,  et  que  Dieu  cependant  y  soit  deshonore?  Pensons  nous  qu'une  maison  merite  de  prosperer,  en  laquelle  Dieu  n'est  pas  le  souverain  maistre?  Et  que  dj-ie  des  serviteurs?  Combien  y  en  a  il  peu  qui  osent  endoctriner  comme  il  faudroit  leurs  femmes  et  leurs  enfans?  Toutesfois,  pour  ce  que  ces  fautes  sont  plustost  de  se  deporter  de  faire  son  devoir,  que  d'offenser  en  faisant  apertement  a  l'encontre:  ie  ne  les  poursuis  point  plus  asprement:  d'autant  que  mon  intention  est  de  parler  des  actes  qui  se  commettent  contre  le  commandement  [page  43]  de  Dieu,  et  sont  transgressions  de  la  loy.  Nous  tous,  qui  avons  receu  la  pure  doctrine  de  l'Evangile,  confessons  bien  que  les  obseques  1)  pour  les  mortz  et  anniversaires  sont  pures  abominations,  d'autant  qu'elles  sont  premierement  controuvees  faulsement  contre  l'escriture:  et  puis  qu'elles  deroguent  a  la  mort  et  passion  de  nostre  Seigneur  Iesus  Christ.  S'il  y  meurt  quelque  parent,  ou  amy,  ou  voisin,  celuy  qui  se  dict  Chrestien  ira  avec  les  autres2)  faire  semblant  de  prier  pour  son  ame.  Quelle  couverture  trouverons  nous  a  cela,  sinon  un  sac  mouille,  comme  on  dict?  Que  si  le  pere  ou  la  femme3)  meurt,  non  seulement  il  approuvera  ces  sacrileges  en  y  assistant:  mais  les  acheptera  de  sa  bourse.  Si  le  prestre  en  vendant  messe  ensuit  le  marche  de  Iudas,  celuy  qui  le  met  en  euvre  et  luy  donne  salaire,  sera  il  innocent?  Ie  ne  diray  rien  de  ce  qui  se  faict  au  reste  de  l'annee:  seulement  ie  parleray  de  la  feste  de  Pasques.  Que  font  adonc  [page  44]  communement  tous  ceux  qui  font  profession  de  l'Evangile?  Ilz  ne  font  point  difficulte  d'aller  a  confesse,4)  non  seulement  pour  satisfaire  au  commandement  tyrannique  de  T  Antechrist,  mais  pour  consentir  aux  blasphemes  qu'il  plaira  au  prestre  de  prononcer,  et  quasi  les  signer  en  y  consentant.  Car  comme  le  prestre  donne  l'absolution  en  l'auctorite  du  siege  apostolique,  c'est  a  dire  de  cest  idole  Romain,  qui  ne  peut  autre  chose  que  perdre  et  maudire  :  5)  aussi  la  faut  il  recevoir  comme  salutaire.  Ie  demande  si  cela  peut  estre  trouve  bon,  qu'un  Chrestien  se  presente  et  prosterne  devant  le  lieutenant  de  l'Antechrist,  pour  recevoir  remission  de  ses  pechez:  au  lieu  qu'il  la  devroit  chercher  au  ministere6)  du  sainct  Evangile?  Semblablement  il  impose  penitence:  quelle?  le  plus  souvent  de  barboter  des  avemaria  devant  1)  solennes  exsequias  mortuorum  quales  fiunt  in  papatu  adiunctis  missis  et  aliis  accessionibus,  item  anniversaria  ete.  2)  ad  funus  prosequendum,  missis  intererit  ete.  3)  Le  traducteur  a  mis:  aut  matris.  4)  ad  missas  accedunt.  5)  a  quo  non  potest  exspectari  nisi  exitium.  6)  ministre  1551  suiv.  (ministro).