35:557  557  SUR  LE  CANTIQUE  D'EZECHIAS.  558  tant  de  sortes  pour  tousiours  penser  que  c'est  de  la  vie  humaine,  et  en  avoit  tresbien  fait  son  profit.  Car  il  avQit  este  longue  espace  de  temps  comme  en  l'ombre  de  mort,  il  avoit  este  persecute  de  tout  le  peuple,  estant  captis  entre  ses  ennemis,  et  n'ayant  point  quasi  une  minute  de  repos.  Or  quand  Dieu  l'a  mis  au  siege  Royal,  il  conclud  qu'il  ne  bougera  iamais,  et  qu'il  y  demeurera  paisible.  Si  David,  ayant  l'esprit  de  Dieu  en  telle  excellence  comme  nous  scavons,  ayant  eu  tant  d'espreuves  pour  estre  du  tout  ravi  a  Dieu,  neantmoins  s'est  ainsi  oublie,  que  sera-ce  de  nous?  La  dessus  il  adiouste,  C'estoit  sur  ta  bonte  gratuite  que  i'estoye  appuye,  Seigneur,  tu  m'avois  establi  comme  en  une  montagne,  mais  tu  as  destourne  ta  face,  et  me  voyla  trouble.  Ainsi  il  monstre  son  ingratitude  en  cela.  Car  combien  qu'il  n'eust  pas  du  tout  oublie  les  benedictions  qu'il  avoit  receues  de  la  main  de  Dieu,  si  est-ce  toutes  fois  qu'il  ne  pense  point,  Dieu  m'a  delivre  un  coup,  afin  que  i'aye  tousiours  mon  recours  a  luy,  cognoissant  que  ma  vie  est  pendante  comme  d'un  filet,  sinon  que  son  fondement  soit  la  en  sa  bonte,  et  que  de  minute  en  minute  il  besongne,  et  confessant  qu'incontinent  ce  seroit  fait  de  moy,  s'il  ne  continuoit  a  m'aider.  David  ne  pense  point  a  cela:  aussi  il  cognoist  qu'il  a  failli,  et  la  dessus  il  adiouste,  Seigneur  tu  as  cache  ta  face,  et  me  voyla  trouble.  Ainsi  en  est-il  d'Ezechias.  Il  est  en  paix,  et  soudain  voyci  Dieu  qui  le  navre,  tellement  que  la  playe  est  mortelle,  et  il  ne  peut  concevoir  sinon  un  tel  estonnement,  comme  si  Dieu  foudroyoit  du  ciel.  Il  faut  donc  qu'il  recoive  une  terrible  amertume.  Or  appliquons  ceste  doctrine  a  nostre  profit,  et  n'attendons  pas  que  Dieu  nous  face  recognoistre  nostre  infirmite  a  force  de  coups:  mais  encore  qu'il  nous  espargne  et  qu'il  ait  pitie  de  nostre  foiblesse,  que  nous  ne  laissions  pas  de  penser  a  luy:  et  que  nous  le  craignions,  nous  tenans  cachez  comme  sous  ses  ailes,  cognoissans  que  nous  ne  pourrions  subsister  une  seule  minute,  sinon  par  son  aide.  Au  reste,  si  quelque  fois  nous  sommes  surprins,  cognoissons  que  c'est  d'autant  que  nous  estions  par  trop  endormis.  Il  adiouste  puis  apres  Que  Dieu  a  delivre  son  ame.  Mais  il  use  d'une  facon  de  parler  qui  emporte  plus.  Il  dit,  Tu  as  aime  mon  ame,  ou  tu  y  as  prins  ton  bon  plaisir,  Afin  de  ia  retirer  du  sepulchre.  Par  ceste  circonstance  il  magnifie  la  bonte  de  Dieu  tant  plus,  pource  qu'il  est  venu  chercher  iusques  au  sepulchre.  Car  si  Dieu  nous  entretient  il  est  vray  que  nous  cognoissons  que  nous  sommes  tenus  a  luy,  mais  c'est  bien  froidement:  mais  s'il  nous  delivre  de  la  mort,  alors  nous  appercevons  mieux  combien  il  est  bon,  de  ce  qu'en  telle  extremite  ii  est  descendu  comme  iusques  a  nous.  Car  il  nous  semble  quasi  qu'il  n'y  a  pas  grande  obli-