32:557  ODT  SUR  LE  PSEAUME  CXIX.  558  par  laquelle  il  nous  testifie  qu'il  est  prest  a  nous  recevoir,  et  veut  aussi  que  nous  venions  a  luy*  Voyla  ce  qu'emporte  ce  verset,  quand  David  dit,  que  sa  consolation  a  este  en  toutes  ses  adversitez,  que  la  parole  de  Dieu  l'a  vivifie.  Il  monstre  par  cela,  que  non  seulement  il  s'est  attendu  a  Dieu  pour  avoir  salut  de  luy,  mais  qu'il  a  regarde  notamment  a.  sa  promesse:  car  sans  cela  (comme  i'ay  desia  dit)  nous  n'avons  nul  acces  a  Dieu.  Cependant  il  nous  faut  noter,  que  ce  mot  de  Vivifier,  emporte  beaucoup:  c'est  ascavoir,  que  la  parole  de  Dieu  doit  avoir  ceste  vertu,  qu'encores  que  nous  fussions  comme  perdus  et  desesperez,  qu'elle  nous  restaure,  et  que  nous  recevions  vie  d'icelle.  Il  est  vray  que  cecy  est  difficile  a  prattiquer:  mais  ne  pensons  point  que  David  ait  yci  parle,  sinon  comme  la  chose  estoit.  Or  faisant  une  telle  protestation,  il  nous  a  voulu  enseigner  par  son  exemple,  de  ce  que  nous  devons  faire.  Qui  plus  est,  le  sainct  Esprit  nous  a  yci  voulu  monstrer,  que  la  parole  de  Dieu  n'a  point  prins  racine  en  nous,  sinon  qu'elle  nous  vivifie;  c'est  a  dire,  qu'elle  nous  retire  comme  du  sepulchre,  quand  nous  sommes  abbatus,  et  que  nous  n'en  pouvons  plus,  en  nous  donnant  vigueur  nouvelle,  pour  estre  comme  gens  ramenez  des  enfers,  comme  s'il  nous  prenoit  par  la  main,  pour  avoir  courage  nouveau.  Voyla  quant  a  ce  verset.  Or  la  dessus  David  fait  sa  requeste,  Que  Dieu  ait  memoire  de  sa  parole,  qu'il  luy  avoit  donnee  a  luy,  Voire,  En  laquelle  (dit-il)  tu  m'as  fait  esperer.  Yci  David  monstre  que  quand  les  fideles  se  resiouissent  et  se  consolent  aux  promesses  de  Dieu,  et  qu'ils  sont  comme  restaurez,  que  ce  n'est  pas  pour  estre  rendus  froids  ne  stupides:  mais  cela  les  doit  tant  plus  inciter  a  prier  Dieu.  Quand  donc  nous  aurons  quelque  mal  qui  nous  pressera,  voyla  le  remede  que  nous  devons  prendre:  c'est  de  regarder  aux  promesses  de  Dieu,  et  penser  a  ce  qu'il  nous  a  testifie  de  sa  bonne  volonte.  La  dessus,  confermons-nous  hardiment,  et  retournons  comme  en  vie,  si  nous  avons  este  en  la  mort.  Mais  apres  que  nous  aurons  fait  ainsi  valoir  les  promesses  de  Dieu,  pour  prendre  courage  et  nous  y  fortifier,  il  faut  que  nous  adioustions  quant  et  quant  les  prieres:  que  nous  venions  a  Dieu,  en  luy  demandant  qu'il  accomplisse  sa  parole.  Et  puis  qu'ainsi  est  qu'il  est  fidele,  scachons  que  nous  ne  serons  point  frustrez  adioustans  foy  a  son  dire:  mais  qu'il  parfera  tout  ce  qu'il  a  promis.  Voyla  donc  comme  apres  avoir  medite  les  promesses  de  Dieu  pour  nous  y  confier,  il  faut  que  nous  adioustions  les  oraisons  quant  et  quant,  que  nous  ayons  nostre  refuge  a  Dieu,  en  luy  demandant,  qu'il  accomplisse  ce  que  par  sa  bonte  infinie  il  nous  a  declare  que  iamais  il  ne  nous  delaissera,  et  qu'il  le  monstre  ainsi  par  effect.  C'est  ce  que  David  a  entendu  par  ce  mot,