5:556  sens,  a  celle  fin  que  ceux  lesquelz  offrent  sacrifice  sans  aucuns  qui  communient  sacramentalement:  moyennant  que  aucuns  soyent  assistans,  donnans  consentement  a  ce  sacrifice,  ne  soyent  condamnez,  et  que  les  aultres  ne  soyent  contrains  a  celebrer  la  Messe,  aultrement  que  avec  aucuns  qui  communient.  D  e  rechef,  il  en  y  a  de  l'aultre  coste,  qui  disent  que  le  Sacrement  du  corps  et  du  sang,  doit  estre  administre  au  peuple  [fol.  53]  soubz  l'une  et  l'aultre  espece:  pource  que  cecy  est  conforme  au  commandement  et  institution  de  Christ,  et  a  la  coustume  de  l'Eglise  ancienne.  Il  en  y  a  aussi  de  l'aultre  coste,  lesquelz  ayans  ceste  oppinion,  qu'il  fault  principalem  eut  regarder  cecy  aux  Sacremens:  c'est  que  plustost  nous  ayons  iouissance  des  choses  qui  sont  signees  que  des  signes:  et  g[ue  nostre  coeur  y  soit  fiche,  se  tenans  aussi  pour  certain  et  resolu  qu'il  y  a  autant  soubz  une  espece,  que  soubz  deux:  pensent  qu'il  ne  fault  point  affermer,  que  ce  que  l'Eglise  longtemps  par  cy  devant  a  eu  ceste  oppinion,  que  ce  n'estoit  point  contre  l'institution  de  Christ,  que  les  lays  se  contentans  d'une  seule  espece,  communient  droictement,  n'est  point  a  condamner  comme  faulx.  Principalement,  pource  qu'il  semble,  que  Christ  ayt  laisse  telle  auctorite  a  l'Eglise,  qu'elle  peult  mettre  telle  moderation  es  Ceremonies  externes  des  Sacremens,  qu'elle  verra  estre  utile  et  profitable  pour  l'exigence  des  temps  et  des  lieux.  Mais  puis  que  desia  a  la  plus  part  de  Allemaigne,  le  peuple  est  persuade  que  le  commandement  et  institution  de  Christ  requiert  qu'on  receoyve  les  Sacremens  entiers,  et  qu'il  se  fault  bien  garder,  que  nul  ne  vienne  a  participer  en  ces  sainctz  et  sacrez  misteres,  avec  mauvaise  conscience:  il  semble  que  ce  sera  une  belle  chose,  si  l'Eglise  pour  remedier  a  ces  inconveniens  met  en  liberte  qu'on  communie  soubz  l'une  espece,  ou  soubz  toutes  deux:  en  telle  sorte  toutesfoys,  que  par  ce  on  ne  donne  occasion  de  blasmer  temerairement  la  coustume  qui  a  este  receue  en  l'Eglise  iusques  a  present  ou  de  puis  apres  de  iuger  les  uns  les  aultres.  Certes  seroit  une  chose  bien  lourde,  de  lier  en  necessite  ceste  ceremonie  de  la  communion  des  deux  especes  pour  ceux  qui  ne  boyvent  point  de  vin,  malades,  et  aultres  semblables,  qui  totallement  n'usent  point  de  ceste  espece  de  vin.  Finablement  il  en  y  a  d'un  coste,  qui  demandent  que  les  Sacremens  soyent  administrez  en  la  langue,  qui  est  entendue  du  peuple,  a  celle  fin  que  iceluy  entendant  [fol.  54]  clairement  et  intelligiblement  ce  qu'il  se  faict,  puisse  respondre  a  toute  chose  :  Amen.  Sur  quoy  ilz  alleguent  l'Apostre  sainct  Paul  pour  leur  autheur  (1  Cor.  14,  16).  Les  aultres  sont  de  diverse  oppinion,  disans,