40:556  In  hoc  versu  laborant  interpretes,  quia  postea  videbimus  Danieli  oblatam  fuisse  visionem  anno  tertio  regis  Cyri.  Quidam  afferunt  solutionem  non  satis  firmam,  quod  Daniel  fuerit  usque  ad  illud  tempus,  sed  tamen  non  mortuus  sit  statim  anno  primo  Cyri  regis.  Alii  verbum  7V7\  haiah  exponunt  pro  frangi.  Sed  hoc  longe  discedit  ab  historia.  Recta  igitur  est  eorum  sententia,  qui  dicunt  Danielem  fuisse  usque  ad  primum  annum  Cyri  regis,  hoc  est,  functum  fuisse  prophetae  officio  :  quanquam  illi  non  tam  aperte  loquuntur:  sed  malo  in  dextram  partem  exponere  quod  obscurius  dicunt.  Nam  quia  postea  profectus  est  in  Mediam,  dicunt  mutationem  hanc  notari.  Sed  sic  poterimus  melius  verba  accipere,  quod  scilicet  Daniel  apud  Chaldaeos  et  Assyrios  floruerit,  et  agnitus  fuerit  pro  summo  propheta,  quemadmodum  etiam  scimus  interpretatum  fuisse  visionem  regis  Balsazar,  imo  ea  ipsa  nocte  qua  fuit  occisus.  Hoc  quidem  verbum  est  simplex  et  absolutum,  quod  fuerit,  sed  pendet  ex  superioribus,  quod  scilicet  apud  reges  babylonios  semper  obtinuerit  fidem,  et  autoritatem  prophetae.  Haec  igitur  summa  est.  Nunc  cap,  secundo  narratur  quomodo  Deus  produxerit  Danielem  in  theatrum,  ut  auspicaretur  propheticum  illud  munus,  ad  quod  destinatus  erat.  Iam  quidem  Deus  insculpserat,  quemadmodum  diximus,  certas  notas  unde  agnosceretur  Daniel  propheta,  sed  iam  re  ipsa  Deus  voluit  probare  quid  gratia  sua  valeret,  quam  Danieli  contulerat.  Primo  autem  simpliciter  narratur  historia:  deinde  Daniel  ad  somnii  interpretationem  descendit.  Hoc  igitur  est  principium  capitis.  CAPUT  IL  1.  Anno  autem  secundo  regni  Nebuchadnezer  somniavit  Nebuchadnezer  somnia:  et  contritus  fuit  spiritus  eius,  et  somnus  eius  interruptus  est  ei  (ut  vertunt,  vel,  discessit  ab  eo,  vel,  fuit  super  ipsum).  Dicit  hic  Daniel  regem  Nebuchadnezer  somniasse  anno  secundo  imperii  sui.  Videtur  hoc  pugnare  cum  sententia  quam  vidimus  1.  cap.  Si  enim  Nebuchadnezer  expugnavit  Ierosolymam  primo  anno  regni  sui,  qui  fieri  potest,  ut  iam  fuerit  Daniel  habitus  inter  sapientes,  inter  astrologos?  quia  tunc  adhuc  erat  discipulus:  deinde  colligitur  facile  ex  contextu,  iam  tunc  fuisse  una  cum  sociis  productum,  ut  omnes  ministrarent  coram  rege.  Haec  igitur  inter  se  primo  intuitu  non  conveniunt,  quod  Daniel  una  cum  sociis  traditus  fuerit  in  disciplinam  primo  anno  Nebuchadnezer,  secundo  autem  iam  fuerit  in  556