35:556  luy  est  advenue  en  sa  prosperite.  Car  nous  avons  veu  par  ci  devant  comme  Dieu  l'avoit  afflige  iusques  au  bout,  ascavoir  quand  il  fut  despouille  de  son  royaume,  et  que  tout  le  pays  fut  pille  par  ses  ennemis.  Il  estoit  assiege  en  la  ville  de  Ierusalem,  il  estoit  la  mastine,  on  se  mocquoit  de  luy,  on  luy  faisoit  toutes  les  contumelies  et  opprobres  qu'il  estoit  possible,  mesme  le  nom  de  Dieu  estoit  blaspheme  vileinement.  Voyla  donc  Ezechias  qui  est  du  tout  confus.  Sur  cela  Dieu  le  delivre  miraculeusement,  comme  s'il  descendoit  du  ciel  a  son  secours.  Luy  voyant  ceste  desconfiture  si  grande,  qui  avoit  este  faite  par  la  main  de  l'Ange,  s'esiouit:  et  non  sans  raison*  Car  Dieu  luy  en  donnoit  matiere,  ayant  declare  un  tel  signe  de  faveur  envers  luy,  comme  s'il  eust  reforme  tout  le  monde  a  son  aveu.  Mais  il  y  a  une  faute,  quoy  qu'il  en  soit:  c'est  qu'il  ne  pense  plus  a  son  affliction  passee,  et  se  repose  par  trop,  c'est  a  dire  qu'il  s'anonchalit.  Et  voyla  pourquoy  maintenant  il  dit  que  son  amertume  luy  est  survenue  en  sa  paix  et  en  sa  prosperite.  Or  yci  nous  avons  une  admonition  bien  utile,  ascavoir  que  quand  nous  cognoissons  les  graces  de  Dieu,  il  nous  faut  tellement  esiouir,  que  cependant  nous  n'oublions  point  le  temps  passe,  et  qu'a  l'advenir  nous  ayons  tousiours  nostre  condition  devant  les  yeux,  c'est  qu'il  ne  faudra  que  tourner  la  main,  que  nostre  vie  se  convertira  en  mort,  et  nostre  clarte  en  tenebres:  comme  nous  voyons  les  changemens  divers  en  ceste  vie  caduque.  Brief,  magnifioQ8  tellement  la  bonte  de  Dieu,  quand  il  nous  assure  qu'il  nous  maintiendra  en  paix  et  a  nostre  aise  que  cependant  nous  regardions  tousiours  quelle  est  nostre  fragilite,  et  que  nous  ne  soyons  point  esblouis  quand  Dieu  nous  benira,  et  qu'il  nous  envoyera  tout  a  souhait:  que  cela,  di-ie,  ne  nous  face  point  trop  endormir,  mais  qu'un  chacun  s'appreste  quand  il  luy  plaira  nous  envoyer  quelque  changement,  pour  recevoir  tousiours  en  crainte,  en  humilite,  et  en  toute  patience,  ce  qu'il  nous  voudra  envoyer.  Si  nous  en  faisons  ainsi,  nous  ne  trouverons  point  la  main  de  Dieu  si  griefve  ne  si  pesante  comme  nous  avons  accoustume  de  faire.  Mais  quand  nous  sommes  par  trop  endormis,  encores  que  nous  cognoissions  la  grace  de  Dieu  de  laquelle  nous  iouissons  presentement,  il  faudra  qu'il  nous  esveille,  voire  et  qu'il  nous  tire  bien  rudement  l'aureille,  mesme  qu'il  frappe  a  grans  coups  sur  nous.  Et  nous  en  avons  yci  l'exemple  au  Roy  Ezechias,  comme  aussi  en  David.  Car  au  Pseaume  trentieme,  il  confesse  qu'il  s'estoit  tellement  enyvre  que  la  felicite  luy  avoit  fait  oublier  sa  condition:  I'ay  dit  en  mon  abondance,  ie  ne  seray  plus  iamais  esbranle.  Et  comment?  David  avoit  eu  tant  d'aiguillons  pour  estre  pieque,  il  avoit  este  exerce  en