32:556  qu'il  accomplira  ce  qu'il  nous  a  promis:  que  nous  ne  serons  point  frustrez  de  nostre  esperance  quand  elle  aura  este  appuyee  en  luy,  et  en  sa  verite,  mais  que  de  plus  en  plus  il  nous  fortifiera  en  icelle,  iusqu'a  ce  que  nous  parvenions  a  la  cognoissance  parfaite  des  choses,  lesquelles  nous  ne  cognoissons  maintennnt  qu'en  partie.  Que  non  seulement  il  nous  face  ceste  grace,  mais  aussi  a  tous  peuples  et  nations  de  la  terre,  etc.  SEPTIEME  SERMON.  Du  Dimanche  19.  iour  de  Fevrier,  1553.  Septieme  Huictain.  ZAIN.  Souvienne  *toy  de  la  promesse  faite  a  ton  serviteur,  par  laquelle  tu  m'as  fait  esperer.  G1  est  ma  consolation  en  mon  affliction:  car  ta  parole  m'a  vivifie.  Les  orgueilleux  se  sont  gaudis  de  moy  tant  et  plus:  mais  ie  n'ay  point  decline  de  ta  Loy.  Seigneur,  Vay  eu  memoire  des  iugemens  que  tu  as  faits  du  temps  iadis,  et  en  ay  este  console.  Horreur  m9a  saisi  a  cause  des  meschans  qui  ont  delaisse  ta  Loy.  Tes  statuts  m'ont  este  pour  chansons  en  la  maison  ou  i'ay  demeure  comme  estranger.  Seigneur  i'ay  eu  de  nuict  souvenance  de  ton  Nom^  et  ay  garde  ta  Loy.  Cela  m'est  advenu  d'autant  que  Vobservoye  tes  mandemens.  David  fait  yci  une  demande  a  Dieu,  laquelle  nous  avons  bien  accoustume  de  faire  tous:  mais  non  pas  d'une  telle  affection  que  luy:  car  aussi  nous  ne  pouvons  pas  protester,  a  son  exemple,  que  toute  nostre  resiouissance,  au  milieu  de  nos  adversitez,  soit  en  meditant  ce  que  Dieu  nous  a  declaire  par  sa  parole.  Et  qu'ainsi  soit,  si  nous  endurons  quelque  mal,  ou  est-ce  que  nous  avons  refuge?  Chacun  se  forge  des  consolations  a  son  appetit.  Bien  peu  s'arrestent  a  Dieu  pour  se  fier  en  luy,  et  pour  prendre  tout  leur  appuy  en  ses  promesses:  et  quasi  on  n'en  trouvera  point  qui  le  facent.  Voyla  pourquoy  nous  ne  pouvons  point  le  requerir  en  verite,  comme  fait  David,  Qu'il  luy  souvienne  de  la  promesse  qu1  il  nous  a  donnee.  Or  tant  y  a,  que  cecy  n'est  point  escrit  en  vain.  Notons  donc,  que  Dieu  nous  declaire,  ou  c'est  que  nous  devons  recourir  en  toutes  nos  afflictions,  pour  nous  consoler:  c'est  ascavoir,  d'autant  qu'il  s'est  oblige  a  nous,  et  qu'il  nous  a  rendu  tesmoignage,  qu'il  aura  pitie  de  ceux  qui  l'invoqueront  en  leurs  miseres,  et  que  nous  tenans  a  cela,  nous  serons  comme  vivifiez:  c'est  a  dire,  encores  que  les  afflictions  nous  pressassent  iusques  au  bout,  et  que  nous  fussions  la  comme  en  la  mort,  que  ce  seul  poinct  suffira  a  nous:  c'est  quand  nous  scaurons  quo  Dieu  ne  nous  veut  point  abandonner.  Or  pour  ce  faire,  nous  avons  a  observer  deux  articles.  Le  premier  est,  que  nous  ne  nous  arrestions  point  ny  a  nous,  ny  aux  creatures,  en  mettant  trop  follement  nostre  esperance  ca  et  la:  que  nous  scachions  que  nostre  vie,  et  tout  nostre  bien  consiste  en  Dieu,  et  que  c'est  la  qu'il  nous  la  faut  cercher.  Voyla  donc  le  bout  par  ou  il  nous  faut  commencer,  si  nous  voulons  avoir  une  vraye  consolation  en  nos  adversitez.  Or  au  contraire,  nous  voyons  comme  nos  esprits  s'esgarent,  et  cela  advient,  pource  qu'un  chacun  se  forge  des  folles  confiances  et  inutiles:  car  si  nous  cognoissions  ce  qui  est  en  Dieu,  ce  ne  se'roit  pas  pour  nous  faire  destourner  de  luy:  nous  ne  vaguerions  plus  apres  les  creatures  :  car  il  n'y  a  que  vanite.  D'autant  plus  donc  nous  fautil  bien  noter  ceste  doctrine:  c'est  ascavoir,  que  pour  estre  delivrez  de  tout  mal,  il  nous  faut  regarder  a  nostre  Dieu.  Or  le  second  est,  que  nous  avons  a  demander  a  Dieu,  qu'il  ait  pitie  de  nous,  et  qu'il  nous  delivre  de  nos  afflictions:  voire,  et  que  nous  y  venions  par  le  moyen  de  sa  promesse.  Car  si  Dieu  ne  nous  appelle  a  soy,  nous  n'y  pouvons  pas  venir  que  temerairement.  Ce  seroit  par  trop  presumer  si  les  hommes  mortels  prenoyent  ceste  audace  de  venir  a  Dieu,  sinon  qu'il  leur  en  donnast  le  conge,  et  qu'il  les  exhortast  a  ce  faire.  Il  faut  donc  que  nous  ayons  la  parole  qui  nous  soit  donnee  de  Dieu,