25:556  ritatibus  nostris:  et  ne  dicant  filii  vestri  cras  filiis  nostris  :  Non  est  vobis  pars  in  Iehova.  28.  Diximus  itaque:  Et  erit,  si  dixerint  nobis  aut  generationibus  nostris  cras,  tum  dicemus  :  Videte  similitudinem  altaris  Iehovae  quod  fecerunt  patres  nostri,  non  pro  holocausto,  neque  pro  sacrificio,  sed  ut  testis  sit  inter  nos  et  vos.  29.  Absit  a  nobis  ut  rebellemus  contra  Iehovam,  et  avertamur  hodie  ne  eamus  post  Iehovam,  aedificando  altare  pro  holocausto,  pro  oblatione,  et  pro  sacrificio,  ultra  altare  Iehovae  Dei  nostri  quod  est  ante  tabernaculum  eius.  30.  Porro  quum  audisset  Phineas  sacerdos,  et  principes  coetus,  capitaque  millium  Israel  qui  cum  eo  erant,  verba  quae  loquuti  fuerant  filii  Ruben,  et  filii  Gadt  et  filii  Manasse,  placuit  in  oculis  eorum.  31.  Dixitque  Phinees  filius  Eleazar  sacerdotis  filiis  Ruben,  et  filiis  Gad,  et  filiis  Manasse:  Hodie  novimus  quod  in  medio  nostri  sit  Iehova,  quod  non  praevaricati  sitis  contra  Iehovam  praevaricationem  istam:  tunc  liberastis  filios  Israel  de  manu  Iehovae.  32.  Reversus  est  igitur  Phinees  filius  Eleazar  sacerdotis,  et  principes  illi  a  filiis  Ruben,  et  a  filiis  Gad,  de  terra  Gilead  ad  terram  Chanaan  ad  reliquos  filios  Israel,  et  retulerunt  eis  rem.  33.  Placuitque  res  in  oculis  filiorum  Israel,  atque  benedixerunt  Deo  filii  Israel:  neque  decreverunt  ascendere  contra  eos  ad  pugnam,  ut  disperderent  terram  in  qua  filii  Ruben  et  filii  Gad  habitabant.  34.  Vocaverunt  autem  filii  Ruben  et  filii  Gad  altare  Hed,  dicendo:  Quia  testis  erit  inter  nos  quod  Iehova  est  Deus.  21.  Responderunt  autem.  Status  causae  in  definitione  versatur.  Excusant  enim  filii  Ruben,  Gad  et  Manasse,  sibi  alium  fuisse  animum,  atque  ita  crimen  diluitur:  quia  alia  est  facti  qualitas,  quam  alii  putabant.  Quod  autem  non  tumultuantur,  nec  iurgium  movent  ob  factam  sibi  iniuriam,  exemplum  est  rarae  modestiae  quod  nobis  ad  imitationem  proponitur,  ut  si  quando  iniuste  et  falso  quod  recte  a  nobis  factum  est  vituperari  ab  imperitis  contingat,  nobis  sufficiat  reprehensionem  ita  refellere,  ut  purgati  simus.  Porro  quo  plus  fidei  sibi  acquirant,  meliusque  testatam  faciant  suam  integritatem,  gravi  obtestatione  scelus  cuius  suspecti  erant  a  se  reiiciunt.  Pondere  etiam  non  caret  avaafatlwoiCi  Deus  deorum  Iehova,  Deus  deorum  Iehova,  qua  etiam  vehementia  confirmant  quam  fideliter  perseverare  cupiant  in  legis  doctrina,  et  quantopere  abhorreant  a  contrariis  superstitionibus.  Quia  autem  eorum  consilium  hominibus  non  patebat,  et  pro  cuiusque  sensu  expositum  erat  variis  sententiis,  ideo  ad  Dei  iudicium  provocant,  seque  offerunt  ad  subeundam  poenam,  si  agnoscat  aliquid  perperam  fuisse  aggressos.  Caeterum  ut  probent  se  hypocritis  non  esse  similes,  qui  perdita  improbitate  Deum  iudicem  centies  appellant  quum  tamen  intus  convicti  teneantur,  non  modo  conscientiam  obtendunt:  sed  simul