20:556  sanciunt  iura  et  ipsa  nature  lex  dictat,  fides  etiam  hosti  servanda  est,  quid  hunc  mereri  iudicas  qui  fratribus  suis  in  Christo  fidem  non  servarit  et  fraudem  fecerit?  Nolim  vero,  praestantissime  Calvine,  ut  existimes  me  ista  coniungere  vel  ex  cordis  amaritudine  loqui.  Veritatem  dico  in  Christo  Iesu,  testimonium  michi  perhibente  conscientia  mea  in  spiritu  sancto,  testimonium  michi  peribentibus  cunctis  monachis  nostris  et  ipsa  publica  fama.  Descripsi  tibi  huius  hominis  dotes,  mores  et  vitam:  tu  nunc  de  homine  iudicium  facito.  Uno  circiter  mense  postquam  se  ad  te  contulit  ad  me  scripsit  ex  Geneva  epistolam,  in  qua  ita  me  conviciis  lacerat,  ut  facile  appareat  ipsum  hominem  esse  maledicum,  vaffrum,  impostorem  et  malorum  inventorem.  Vocat  me  apostatam,  hipochritam,  rebellem  et  abnegatorem  christi,  insensatum,  qui  in  veritate  cognita  non  steterim:  vocor  ab  eo  absque  christo,  sine  deo,  tradit  me  sathane,  accusat  me  quod  persecucionem  illi  intulerim  evangelii  causa.  Ego,  ut  tibi  verum  fatear,  si  stetisset  apud  me,  decreveram  eius  flagicia  digna  castigacione  punire,  sed  Christi  eiusque  evangelii  causa  nunquam  illi  molitus  sum  insidias.  Petrus  apostolus  non  vult  ut  quisquam  paciatur  quasi  homicida  aut  fur  aut  maledicus  aut  ailienorum  appetitor,  si  autem  ut  christianus,  non  erubescat  in  isto  nomine:  hic  vero  uti  christianus  nichil  unquam  a  me  passus  est,  sed  uti  fur,  uti  ailienorum  raptor,  uti  adulter,  prophecto  passurus  erat  ni  fugam  accelerasset.  Mito  tibi  exemplar  ad  me  destinato  epistole,  mitto  etiam  meam  ad  ipsum  responsivam.  Et  quamvis  sciam  te  in  christi  negocio  et  arduis  rebus  semper  occupatissimum,  rogo  te  tamen  ut  utramque  legas  et  cum  legeris  postea  diiudices.  Tale,  vir  dei.  Deus  te  diu  sancte  sue  Ecclesie  servet  incolumem.  Caburri  *)  ex  monasterio  nostro  Beate  marie  ordinis  benedictini.  Nicolaus  Lucernanus  2)  tui  in  Christo  amantissimus.  4350.  MARRAQUIRIUS  CALYINO.  Agit  de  ministro  aliquo  qui  ecclesiam  turbavit  (Ex  autographo  Cod.  Genev.  109,  fol.  149.)  4249.1)  Caburnum  (Cavour),  prope  Pignerol  Caetera  nescimus.  2)  Nomen  gentilitiumy  fortasse  fictitium,  a  Valle  quadam  Valdensium  derivatum.