9:555  555  RESPONSIO  55G  religio:  utrosque  tamen  obnoxios  facit  multis  erroribus.  Quid  superest,  nisi  ut  parte  doctrinae  utrinque  abolita,  quod  residuum  erit  simul  assuatur,  ut  [pag.  123]  nova  ecclesia  ex  duabus  diversis  composita  surgat?  Interea  mire  versipellib  est  theologia,  pseudocatbolicos  nunc  vocare  quibuscum  voluit  communionem  servari.  Quid  ergo  piis  Dei  cultoribus,  qui  inter  papistas  degunt,  ne  fiant  schismatici,  agendum?  Illic  certe  dominantur  qui  pontificem  romanum  tantum  non  Deum  faciunt,  nt  censor  loquitur,  eiusque  autoritatem  non  modo  supra  totam  ecclesiam,  sed  supra  scripturam  efferunt:  ab  his  discessionem  sponte  facere  si  religio  sit,  manere  in  sacrilego  illo  coetu,  quam  [pag.  124]  turpis  et  scelesta  erit  proditio?  Caeterum  donec  nostrae  doctrinae  vitia  et  errores  ostenderit,  commentum  eius,  religionem  inter  duo  mala  esse  positam,  admittere  iniquum  esset,  sicuti  nemo  sanus  admittet.  Et  tamen  quod  negaverat  sibi  probari  neutralem  sectam,  quasi  sui  oblitus  nunc  repudiat,  tertium  quoddam  genus  hominum  ponendo,  quibus  se  adiungit  socium.  In  quo  subscriberem  eius  sententiae  si  probaret  sinceram  pietatis  doctrinam,  quia  apud  nos  non  reperitur,  in  medio  quaerendam  esse.  Sed  quum  ne  in  minimo  quidem  apice,  a  pura  simplicique  fidei  [pag.  125]  orthodoxae  regula  deflexisse  ostendat,  quid  minus  consentaneum  est  quam  eos  solos  laudare,  qui  a  nobis  non  aliter  quam  a  papistis  dissentiunt,  ac  si  hoc  et  recti  iudicii  et  sanctae  moderationis  optimum  esset  documentum?  Tenendum  quidem  est,  hoc  modo  neutrales  qui  se  Nicodemitas  falso  nominant,  solos  sapere  et  manere  in  gradu,  quia  se  a  contentione  subducunt,  ad  quam  inviti  pertrahimur  ingenua  fidei  professione.  Porro  dum  circumspicio  quid  hoc  libro  sibi  voluerit,  hoc  unum  ei  consilium  fuisse  probabile  videtur,  rebus  alibi  turbatis,  alibi  [pag.  126]  incompositis,  praesertim  vacillante  Gallia,  gravis  et  moderati  hominis  personam  induere,  ut  pacificandi  spe  obiecta  se  insinuaret  in  eorum  gratiam,  quos  putabat  alioqui  satis  propensos  esse  ad  medias  pactiones.  Habuit  forte  rationem  quoque  praeteriti  temporis:  ut  qui  saepius  transfuga  fuit  et  desertor,  perfidae  levitatis  infamiam  quoquo  modo  elueret.  Speciosa  enim  excusatio  est,  eodem  animo  semper  in  utrisque  versatum  castris:  quia  non  destiterit  catholicae  ecclesiae  unitatem  nobiscum,  perinde  ac  cum  papistis  colere.  Praecipue  tamen  sinistrum  avertere  praeiudicium  [pag.  127]  voluit,  ne  patrono  in  cuius  clientelam  dare  se  optaverat  domicilii  causa  suspectus  foret.  Ac  initio  quidem  ad  hunc  scopum  venenata  omnia  spicula  direxerat,  ut  dissipato  piorum  consensu  evangelii  cursum  interrumperet.  Nec  laboris  poenitebat,  dum  primis  diebus  comiter  exceptus  non  vulgarem  mercedem  fatua  spe  devorabat:  a  qua  postquam  excidit,  lugubri  cantu  deplorat  quod  impendet  naufragium: