7:555  555  INTERIM.  556  De  redemptione  per  Christum  Dominum  nostrum.  [pag.  6]  Deus  igitur,  qui  dives  est  in  misericordia,  nolens  perire  quos  condiderat,  filium  suum  misit  in  mundum  (Ioann.  3,  16),  ut  quum  impossibile  esset  homini  se  ipsum  liberare,  in  Domino  hoc  nostro  atque  salvatore  haberet  redemptionem  per  sanguinem  eius,  ut  scriptum  est  apud  apostolum  (Rom.  3,  24  s.;  Ephes.  1,  7).  Posuit  enim  Deus  super  eum  iniquitates  nostras,  ut  in  corpore  suo  peccata  ferret  in  cruce,  affigens  ea  in  ligno  (Es.  53,  4).  Hic  quum  innocens  pro  nobis  peccatoribus  pateretur  atque  satisfaceret,  redemit  quidem  nos,  et  Deum  patrem  ita  placavit,  ut  idem  pater  miseros  nos  et  peccatis  inquinatos,  ob  sanguinem  ipsius  absolveret,  ac  sibi  reconciliaret  (1  Petr.  2,  24).  Vere  enim,  inquit  Paulus  (2  Cor.  5,  19),  erat  Deus  in  Christo,  mundum  reconcilians  sibi,  non  reputans  illis  delicta  ipsorum.  Et  quanquam  Deus  gratuito  (Rom.  3,  24)  et  propter  nomen  suum  propitius  est  nobis,  et  iniquitates  nostras  delet  propter  se:  tamen  ne  sine  ullo  sanctificationis  pretio  peccata  remitteret,  ad  ostensionem  iustitiae  suae  pro  incomprehensibili  sapientia  et  immensa  bonitate  sua,  iustitiam  cam  misericordia  miscuit,  et  voluit,  ut  pretium  pro  redimendis  nobis  filii  sui  sanguine  [pag.  7]  constitueretur,  ut  quas  nos  peccatores  dare  deberemus  poenas,  easdem  agnus  ille  innocentissimus  perferret  in  cruce  J  nosque  e  vulneribus  ipsius,  quod  nobis  miseris  deesset  redemptionis  pretium  mutuari,  et  ad  liberationem  salutemque  nostram  usurpare  possemus,  ut  qmmi  misereatur  nostri  benignissimus  pater  gratuito,  non  tamen  misereatur  nisi  interveniente  sanguine  filii  sui:  ut  quod  nobis  hic  gratis  contingit,  id  tamen  merito  ac  iustitiae  Christi  acceptum  ferre  debeamus,  ut  quicunque  gloriatur,  in  hoc  Domino  redemptore  et  salvatore  nostro  glorietur  (1  Cor.  1,  31).  De  iustificatione.  Iam  qui  pretioso  sanguine  Christi  redimitur,  et  cui  meritum  passionis  Christi  applicatur,  continuo  is  iustificatur:  hoc  est,  invenit  remissionem  peccatorum  suorum,  a  reatu  aeternae  damnationis  absolvitur,  et  relevatur  1)  per  spiritum  sanctum,  atque  ita  ex  iniusto  fit  iustus.  Nam  Deus  quando  iustificat,  non  humano  tantum  more  agit  cum  homine,  ut  ei  ignoscat  duntaxat,  peccatum  donet,  et  reum  absolvat,  sed  facit  etiam  meliorem:  id  quod  homines  attribuere  nec2)  solent,  neque  possunt.  Communicat  namque  cum  Ulo  de  spiritu  suo  sancto,  qui  purificat  cor  eius,  et  per  caritatem  in  eodem  corde  diffusam  incitat,  ut  quod  [pag.  8]  1)  renovatur  Aug.  Mog.  Herg.  et  Calvini  ed.  germ.  (verneuert,  renouvele).  2)  tribuere  neque,  iidem.