5:555  ACTES  DE  RATISBONNE.  pensement.  Laquelle  opinion  est  a  condamner,  et  mesme  telz,  si  les  crimes  sont  publiques,  ne  doyvent  point  estre  admiz  au  service  divin:  s'ilz  sont  cachez,  on  les  doit  enseigner,  que  iusques  a  ce  qu'ilz  se  soient  amendez,  ilz  se  retirent  de  ces  mysteres  qu'on  doit  tant  avoir  en  crainte  et  reverence.  De  l'usage  et  administration  des  Sacremens,  et  de  certaines  Ceremonies  en  particulier.  O  II  en  y  a  aucuns  d'une  part,  qui  pensent  asseurement,  que  la  Messe  ne  [fol.  52]  doit  point  estre  faicte,  s'il  ny  a  aucuns,  qui  communient  avec  le  sacrifiant,  recevant  avec  luy  le  Sacrement  du  corps  et  du  sang:  pource  que  cestuy  Sacrement  a  este  premierement  institue  et  donne  par  Christ,  a  celle  fin  que  plusieurs  nous  soyons  un  pain  et  un  corps:  pource  que  nous  participons  d'un  mesme  pain  et  d'tin  mesme  calice,  et  afferment  que  telle  a  este  la  coustume  ancienne  de  l'Eglise.  Il  en  y  a  de  l'aultre  couste,  qui  pensent  que  la  Messe  mesme  peult  estre  celebree  chrestiennement,  moyennant  qu'il  ^n  ayt  aucuns,  qui  communient  seulement  en  esperit,  avec  le  Prestre,  donnant  consentement  au  sacrifice.  Et  combien  que  par  l'oppinion  mesme  d'iceux,  le  peuple  doit  estre  diligemment  adverty,  enseigne,  qu'il  communie  le  plus  souvent  qu'il  pourra:  et  que  celuy  qui  peche  tous  les  iours,  tache  aussi  tous  les  iours  a  prendre  medecine.  Et  disent,  que  ceste  oppinion  icy,  ne  bataille  point  avec  la  coustume  des  Anciens,  et  que  cest  usage  ne  porte  point  preiudice  a  la  iustification  de  Christ,  a  cause  que  le  Prestre  exerceant  en  l'Eglise  cestuy  ministere  publique,  s'adioinct  par  foy  a  tous  ceux  lesquelz  par  tout  le  monde  participent  a  ce  Sacrement.  D'avantaige  ilz  craignent,  que  si  cest  usage  est  oste  de  l'Eglise,  ne  advienne  facillement  (selon  que  les  hommes  du  temps  present  sont  paresseux  a  frequenter  les  mysteres)  que  ce  sacrifice  de  loenge,  lequel  Christ  veult  estre  souvent  exerce  en  l'Eglise,  ne  soit  bien  peu  souvent  celebre,  et  que  finablement  il  ne  soit  du  tout  delaisse.  Et  pource  que  les  uns  et  les  aultres  sont  arretez  en  leur  oppinion,  il  se  pourroit  faire  paraventure  qu'on  laissast  un  chascun  abunder  en  son  1)  Note  marginaie:  Nous  sommes  bien  de  ceste  oppinion,  mais  nous  laissons  a  iuger  et  deliberer  a  la  maieste  Imperiale  et  aux  estatz  de  l'empire:  a  scavoir  mon  si  le  conseil,  qui  est  au  livre,  est  de  telle  sorte  que  par  iceluy,  de  un  couste  et  d'aultre,  on  puisse  pourveoir  facilement  a  la  tranquillite  chrestienne.  Iule  flug  Iehan  gropper.  (Sur  ce  dernier  voyez  la  note  mise  en  tete  de  cette  'piece.  Jules  Pfiug,  car  c7est  ainsi  qu'il  faut  lire,  etait  alors  Chanoine  de  Mayence,  et  fut  plus  tard  eveque  de  Naumbourg.)  "