35:555  555  TROISIEME  SERMON  556  qu'il  ne  soit  point  contraint  de  tousiours  frapper  comme  sur  des  asnes,  voyant  nostre  nonchalance,  et  la  tardivete  qui  est  en  nous.  Pre  venons  donc  les  verges  de  Dieu,  sinon  que  nous  veuillions  qu'elles  soyent  tousiours  attachees  sur  nostre  dos.  Cependant  notons  qu'Ezechias  a  tellement  tremble,  qu'il  n'a  pas  laisse  d'estre  soustenu  de  la  main  de  Dieu,  et  de  chercher  soulagement  en  Dieu,  scachant  bien  qu'il  luy  estoit  propice:  mais  ces  deux  choses  s'accordent  bien,  que  d'un  coste  les  fideles  soyent  tousiours  en  souci,  craignans  de  trebuscher  pour  la  seconde  et  troisieme  fois  quand  desia  il  y  a  eu  une  cheute  mortelle:  et  puis,  que  neantmoins  ils  prenent  courage,  et  qu'ils  se  conflent  eu  Dieu  pour  marcher  franchement,  d'autant  qu'ils  scavent  qu'il  ne  leur  defaudra  iamais.  Voyla  donc  ce  que  nous  avons  a  prattiquer,  c'est  que  d'un  coste  nous  pensions  a  nos  pechez  et  offenses,  et  que  nous  soyons  esmeus  d'horreur,  voyans  que  nous  avons  merite  que  Dieu  se  dresse  contre  nous,  et  que  cela  nous  face  courber,  qu'il  nous  cause  une  alleure  tremblante,  et  que  nous  ne  puissions  quasi  marcher.  Voyla  comme  nous  devons  estre  abbatus  et  humiliez  sous  la  main  de  Dieu.  Car  il  n'est  pas  question  yci  d'estre  trop  revesches,  mais  plustost  il  nous  faut  cognoistre  que  la  principale  vertu  des  fideles,  quand  Dieu  les  afflige  et  les  punit,  c'est  d'estre  comme  aneantis,  et  cependant  toutesfois  qu'en  trainant  les  ailes  nous  allions  tousiours  nostre  train,  puis  qu'il  plaist  a  Dieu  nous  faire  misericorde,  et  que  nous  cognoissions  qu'encores  que  nous  l'ayons  offense,  il  veut  toutesfois  continuer  sa  bonte  envers  nous,  il  nous  veut  donner  courage:  et  que  pourtant  nous  soyons  alaigres  d'un  autre  coste.  Voyla  en  somme  ce  que  nous  avons  a  retenir  yci  d'Ezechias.  Apres  il  adiouste,  Que  l'amertume  luy  est  venue  amere  en  sa  prosperite.  Yci  il  aggrave  le  mal,  qu'il  a  senti,  d'autant  qu'il  en  avoit  este  saisi  soudain,  et  qu'il  pensoit  estre  a  repos,  et  exempt  d'affiiction:  comme  au  contraire  nous  scavons  que  ce  qui  est  preveu  de  loin  sera  endure  plus  patiemment.  Car  qui  est  cause  de  nous  descourager  si  nous  sommes  en  affliction,  sinon  qu'un  chacun  durant  la  prosperite  se  fait  a  croire  que  tout  ira  bien?  Si  un  homme  pensoit  a  la  mort  de  son  pere,  ou  de  sa  femme,  ou  de  ses  enfans,  s'il  pensoit  toute  sa  vie  estre  subiet  a.  tant  de  calamitez,  il  est  certain  qu'il  seroit  muni  contre  toutes  tentations,  tellement  qu'il  ne  s'en  trouveroit  pas  si  espouvante  quand  elles  advienent:  mais  pource  que  chacun  se  decoit  en  vaine  esperance,  voyla  qui  nous  trouble  outre  mesure,  quand  nostre  Seigneur  nous  envoye  quelque  adversite.  Or  Ezechias  confesse  qu'il  luy  en  est  ainsi  advenu,  et  voyla  pourquoy  il  dit  que  son  amertume  a  este  tant  plus  amere,  d'autant  qu'elle