25:555  555  COMMENTARIUS  IN  IOSUE  CAP.  XXII.  556  sanctuarium,  quasi  boni  custodes  Dei,  quum  tradita  eis  esset  rite  colendi  Dei  regula,  in  qua  assiduis  exercitiis  retinebantur:  scortorum  tamen  illecebris  decepti  se  polluerant  in  foedis  superstitionibus,  et  adoraverant  Bal-Peor.  Quia  hoc  scelere  implicitus  tenebatur  totus  populus,  non  dubitant  decem  legati  socios  culpae  se  adiungere.  Quaerunt  igitur,  annon  sufficit  nobis  iniquitas  quam  contraximus  in  idolo  Peor?  Addunt  nondum  ab  ea  se  esse  mundatos,  quasi  dicerent  nondum  penitus  sepultam  esse  memoriam  ,  vel  exstinctam  Dei  vindictam  :  inde  colligunt  duas  tribus,  et  dimidiam,  dum  se  impia  contumacia  a  Deo  avertunt,  et  excutiunt  eius  iugum  non  tantum  sibi  male  consulere:  sed  accersere  simile  exitium  toti  populo,  quia  Deus  iniuriam  suam  latius  ulciscetur:  quod  exemplo  Achan  confirmant,  qui  quum  solus,  et  clam  furatus  esset  ex  anathemate  ,  non  solus  subiit  sacrilegii  sui  poenam  :  sed  alios  quoque  secum  traxit,  quemadmodum  visum  fuit  quosdam  cecidisse  in  acie,  omnes  autem  turpiter  fuisse  fugatos,  quia  in  populo  residebat  pollutio.  Ratiocinantur  autem  a  minori  ad  maius:  Si  flagravit  ira  Dei  contra  multos  ob  clandestinum  unius  hominis  maleficium,  multo  minus  impune  cessurum  populo,  si  manifestam  idololatriam  dissimulet.  Inseritur  tamen  media  sententia,  ut  si  altare  exstruxerint  duae  tribus  cum  dimidia,  ac  si  deterior  esset  earum  conditio,  quia  non  habitarent  in  terra  Chanaan,  veniant  et  potiantur  ipsae  quoque  terra  Chanaan,  ne  prava  aemulatione  Deum  provocent.  Hinc  autem  colligimus  non  ventoso  aliquo  impetu  fuisse  concitatos,  quando  sua  iactura  et  dispendio,  benigne  admittere  in  societatem  parati  sunt  qui  sedem  alibi  et  domicilium  sibi  proposcerant.  21.  Besponderunt  autem  filii  Ruben,  et  filii  Gad,  et  dimidia  tribus  Manasse,  loquutique  sunt  cum  principibus  millium  Israel:  22.  Deus  deorum  Iehova,  Deus  deorum  Iehova  ipse  novit,  et  Israel  cognoscet,  si  per  rebellionem,  et  si  per  praevaricationem  in  Iehovam,  ne  serves  nos  die  hac.  23.  Si  cogitavimus  aedificare  nobis  altare,  ut  averteremur  ne  iremus  post  Iehovam,  et  si  ad  immolandum  super  illud  holocausta  et  sacrificium,  et  si  ad  faciendum  super  illud  sacrificia  prosperitatum,  Iehova  ipse  inquirat.  24.  Et  si  non  potius  timore  huiusce  rei  fecimus  hoc  dicendo:  Cras  dicent  filii  vestri  filiis  nostris  dicendo:  Quid  vobis  et  Iehovae  Deo  Israel?  25.  Nam  terminum  posuit  Iehova  inter  nos  et  vos  filii  Ruben,  et  filii  Gad,  Iordanem,  non  est  vobis  portio  in  Iehova:  et  cessare  facient  filii  vestri  filios  nostros,  ut  non  timeant  Iehovam.  26.  Et  diximus:  Demus  nunc  operam  ut  aedificemus  altare,  non  pro  holocausto,  nec  pro  sacrificio:  27.  Sed  ut  testis  sit  inter  nos  et  vos,  et  inter  generationes  nostras  post  nos,  ut  serviamus  servitutem  Iehovae  coram  eo  in  holocaustis  nostris,  et  in  sacrificiis  nostris,  et  prospe-