7:554  ullus,  nec  unius  quidem  diei  infans,  secundum  scripturas  (Iob.  25,  4  s.).  Hinc  illud  naturae  nostrae  vulnus,  ut  animalis  homo  non  percipiat  quae  sunt  spiritus  (1  Cor.  2,  14)  nec  eadem  ante  gratiam  expetat  atque  libere  eligat:  quum  concupiscentiae  et  affectus  carnis,  qui  in  eo  dominatur,  inimicitia  sit  adversus  Deum,  et  a  lege  Dei  abhorreat:  tantoque  magis  impediat  in  bono,  quanto  magis  ad  malum  impellit  (Rom.  8,  7).  Et  quanquam  retinet  homo  talis  libertatem  arbitrii,  licet  infirmam  et  laesam,  ex  qua  tanquam  fonte  profluunt  et  virtutes  morales  ethnicorum,  et  harum  actiones:  tamen  ante  gratiam  Dei  et  reparationem,  ad  iustitiam  [pag.  5]  quae  coram  Deo  valeat,  aspirare  haud  potest:  sed  est  potius  servus  peccati,  Satanae  mancipium,  inimicus  Dei,  et  malis  huius  mundi  obnoxius:  premitur  enim  fame,  siti,  frigore,  aestu,  dolore,  morbo,  et  ad  extremum  morte  ipsa  evertitur.  Per  unum  enim  hominem  peccatum  in  hunc  mundum  introivit,  *)  et  per  peccatum  mors  (Rom.  5,  12).  Hae  autem  istius  primae  praevaricationis  poenae,  renatis  cum  peccatoribus  communes  sunt.  Illis  tamen  a  Deo  etiam  ad  exercitium  adhibentur:  iniustis  vero  et  impiis  infliguntur  ad  poenoem.  Adde  huc  quod  in  homine  tali,  quem  peccatum  originale  depravavit,  quoad  natura  tantum  constat,  nec  per  gratiam  instauratur,  regnat  una  cum  concupiscentia  prava  etiam  Satan,  qui  eum  vinculis  servitutis  suae  constrictum  tenet,  in  eoque  operatur,  ut  conversetur  in  desideriis  suis,  faciens  voluntatem  carnis  et  cogitationum,  ac  originale  quod  a  parentibus  traxit  peccatum  actualibus  cumulet,  sitque  filius  irae,  secundum  apostolum  (Ephes.  2,  3),  ut  si  in  hac  miserrima  conditione  sua  moriatur,  iusto  tandem  Dei  iudicio  in  gehennam  coniectus,  aeternis  ibi  suppliciis  plectatur,  ut  nec  ignis  eius,  ut  apud  Esaiam  scriptum  est,  exstinguatur,  nec  vermis  moriatur  (Es.  66,  24).  1)  intravit  Aug.  Mog.  Herg,  et  Calvini  ed.  germ.