6:554  au  ciel,  non  pas  pour  les  amuser  a  ces  signes  visibles  du  pain  et  du  vin  qui  nous  sont  la  presens.  1)  Quand  donc  ce  seroit  vrayement  la  Cene,  encores  seroit-ce  une  phantasie  pernitieuse  et  damnable,  de  vouloir  adorer  un  morceau  de  pain  au  lieu  de  Iesus  Christ,  ne2)  de  le  chercher  la.  Mais  il  n'est  ia  mestier  d'entrer  en  ceste  dispute.  Car  dequoy  appartient  a  la  messe  ceste  promesse  de  Iesus  Christ,  quand  en  donnant  le  pain  il  dit:  Prenez,  mangez,  c'est  mon  corps,  qui  est  livre  pour  vous?  Car  devant  que  rien  promettre,  il  commande  que  le  Sacrement  soit  distribue  entre  les  fideles.  Cela  se  fait  il  a  la  messe?  Mais  plustost  au  contraire,  le  Prestre  fait  son  cas  a  part,  comme  se  voulant  exclurre  et  excommunier  de  toute  l'eglise.  Pensons  nous  donc  qu'en  faisant  tout  au  contraire  que  Iesus  Christ  a  ordonne,  nous  le  tenions  lie  a  nostre  poste,  pour  nous  iouer  de  luy  comme  [page  B6]  d'un  petit  enfant,  ou  plustost  "comme  d'une  plotte,  pour  le  demener  ca  et  la,  selon  que  bon  nous  semble?  D'advantage  il  adiouste  que  nous  celebrions  son  Sacrement  en  memoire  de  luy,  annoncant  sa  mort  avec  louange  et  action  de  graces.  Comment  cela  se  peut  il  faire  en  la  messe  ou  il  n'y  a  point  un  seul  mot  intelligible,  mais  tout  se  fait  et  dit  en  langue  incongneue?  3)  D'advantage  c'est  a  nous  que  Iesus  Christ  s'adresse,  en  nous  promettant  la  communion  de  son  corps,  quand  il  nous  donne  le  signe  du  pain.  En  la  messe  il  n'y  a  rien  de  tout  cela.  Mais  le  Prestre,  a  la  facon  des  enchanteurs  ou  ioueurs  de  gobeletz,  souffle  sur  le  pain  pour  l'ensorceler.  Que  pensons  nous  que  cela  vaille?  Brief,  tant  s'en  faut  qu'il  y  ait  aucune  similitude  entre  la  messe  papale  et  la  Cene  de  nostre  Seigneur,  que  le  iour  n'est  pas  plus  contraire  a  la  nuict.  Que  peut  ce  donc  estre  de  l'adoration  qu'on  fait  la  au  pain,  que  idolatrie  execrable,  [page  37]  voire  plus  lourde  et  plus  sotte  que  iamais  il  n'y  en  a  eu  entre  les  Payens?  Or  maintenant  regardons,  en  quelle  conscience  un  homme  Chrestien  se  pourra  la  trouver,  pour  se  conformer  a  la  facon  des  autres.  Voila  un  idole,  qui  est  esleve  en  haut  sur  les  espaules,  pour  estre  invoque  et  adore  comme  Dieu:  ie  me  iecteray  a  genoulx:  ie  feray  protestation  de  l'adorer:  et  puis  ie  ne  vouldray  point  qu'on  me  reprenne.  Qu'est  ce  a  dire  cela?  Quand  nul  ne  sonnera  mot,  l'acte  ne  m'accuse  il  pas  assez  de  soy  mesme?  Pourtant  quand  les  hommes  m'espargneront,  Dieu  ne  m'espargnera  pas.  Quand  il  n'y  auroit  que  cela:  ie  ne  voys  point  quelle  couverture  puisse  trouver  un  1)  du  pain  .  .  .  .  presens,  manque  dans  le  latin,  ainsi  que  toute  la  phrase  suivante  iusqu'a:  chercher  la.  2)  ou,  1611.  3)  sed  insusurrantur  omnia  obscuro  murmure  et  incognito.