5:554  quoy  ces  mysteres  qu'on  doit  avoir  en  crainte  et  reverence  sont  appellez  Eucharistiques,  pource  qu'ilz  sont  la  remembrance  de  plusieurs  benefices:  nous  monstrans  le  chef,  et  principal  de  la  charite  de  Dieu  envers  nous:  et  nous  faisans  rendre  graces,  telles  que  nous  devons  a  Dieu.  A  telle  action  de  grace  aussi  est  conioincte  communication  et  confession  de  doctrine,  obsecrations,  oraisons  et  prieres  pour  tous  hommes.  Aussi  sont  presentez  les  desirs  droictz  et  chrestiens,  sacrifices  spirituelz  et  aggreables  a.  Dieu  :  lesquelz  aussi  on  estime  estre  de  plus  grand  priz  et  efficace  en  la  presence  de  ce  Sacrament  de  si  hault  priz.  Car,  comme  dict  sainct  Cyprian,  les  larmes  ne  demandent  pas  pardon  en  vain  en  la  presence  du  vray  et  tressainct  corps,  ny  l'offrande  du  coeur  contrict  n'est  iamais  reiectee.  Icy  le  bon  sacrificateur  representant  le  mystere  de  la  Croix  par  elevation  des  mains,  prie  hardiment  pour  son  ignorance  et  celle  du  peuple.  Gestes  sont  les  parolles  du  dict  sainct  Cyprian.  [fol.  51]  Finablement  l'Eglise  offroit  certains  dons,  tant  de  pain  que  de  vin:  desquelz  en  partie  le  corps  et  le  sang  de  Christ  estoyent  faictz,  en  partie  aulmones.  Et  c'est  une  chose  iuste,  que  le  peuple  en  ce  sacrifice  ne  se  consacre  point  a  Dieu  par  parolles  seulement:  mais  aussi  tesmoigne  par  quelque  signe  externe,  qu'il  se  dedie  du  tout  a  Dieu.  Car  ceste  coustume  a  este  presque  du  tout  abolie  es  Eglises,  entant  que  ia-dis,  es  iours  de  Dimenche,  pain  et  vin,  et  quelques  aultres  choses  estoyent  offertes,  et  des  hommes  et  des  femmes:  ainsi  que  les  decretz,  qui  sont  attribuez  a  Labianus,  le  tesmoignent.  Or  si  ce  Canon  de  la  Messe  (lequel  les  Anciens  ont  appelle  priere  solennelle  et  longue,  faicte  sur  le  pain  et  calice,  disposee  en  trois  parties)  est  entendu  en  ceste  sorte,  de  laquelle  nous  avons  ia  faict  mention:  il  ne  y  a  point  de  dangier,  moyennant  qu'il  n'y  ayt  aucuns  en  superstitieuse  opinion  :  car  aucuns  mal  instruictz  de  la  nature  et  efficace  de  ce  tressainct  sacrifice,  pensoyent,  que  la  vertu  d'iceluy,  procedoit  de  la  seule  oeuvre  externe,  que  le  prestre  faict,  combien  qu'ilz  n'apportassent  point  aucune  vive  foy,  ny  piete,  ne  donnans  consentement  au  sacrifice  par  communion  d'oraison  ou  de  priere.  1)  Comme  estoyent  ceux,  lesquelz  sans  avoir  esgard  a  leur  impiete,  ny  a  leurs  execrables  meschancetez,  perseverant  au  propos  de  pecher,  se  sont  fourrez  miserablement  en  ceste  tressacree  et  tresdivine  action,  estans  persuadez,  que  la  messe  estoit  profitable  par  la  vertu  de  l'oeuvre  externe  seulement,  lequel  faict  Je  prestre:  combien  encor  qu'ilz  n'eussent  en  eux  aucun  bon  1)  Note  margmale:  Les  Protestans  ont  presente  leur  escrit  de  la  Messe  privee,  signe  H.