32:554  nous  ne  soyons  point  confus,  et  qu'il  n'y  ait  rien  qui  nous  empesche,  que  nous  ne  maintenions  sa  Parole.  En  la  fin  pour  conclusion,  David  dit,  Qu'il  prendra  son  plaisir  et  levera  "ses  mains  aux  commandemens  de  Dieu  qu'il  a  aimez,  et  qu'il  meditera  en  ses  statuts.  Ces  deux  versets  yci  n'ont  point  besoin  de  longue  declaration,  car  desia  nous  avons  eu  les  mesmes  sentences  :  et  toutesfois  David  nous  monstre,  que  ce  n'est  point  assez  que  pour  un  coup  nous  ayons  pense  a  ceste  doctrine,  mais  qu'il  faut  qu'en  toute  nostre  vie  nous  y  profitions  de  plus  en  plus.  Voyla  le  principal  que  nous  avons  a  noter:  que  nous  prenions  plaisir  aux  commandemens  de  Dieu  que  nous  avons  aimez:  c'est  a  dire,  que  nous  apprenions  de  concevoir  une  telle  affection  et  desir  de  suyvre  la  Parole  de  Dieu,  et  d'adherer  a  icelle,  que  cela  nous  soit  tout  resolu,  pour  dire,  Et  bien,  c'est  une  chose  tant  douce  et  amiable  que  rien  plus,  de  nous  assuiettir  au  ioug  de  nostre  Dieu,  et  de  le  porter  :  il  nous  faut  donc  renger  a  cela,  et  luy  obeir.  Avons-nous  cela?  Ii  faut  qu'au  lieu  que  nous  sommes  enclins  a  beaucoup  de  folles  vanitez,  voire  et  de  meschantes  affections,  et  aux  allechemens  de  Satan,  que  nous  apprenions  de  prendre  plaisir  en  la  Parole  de  Dieu,  tellement  que  nous  puissions  protester  en  verite  (a  l'exemple  de  David)  que  ce  sont  les  commandemens  de  Dieu  que  nous  avons  aimez.  Et  au  reste,  notons  bien  ce  mot,  quand  il  dit,  Pesleveray  mes  mains  a  tes  commandemens.  Car  c'est  comme  s'il  disoit,  Seigneur,  ce  ne  sera  point  seulement  de  bouche  que  ie  feray  protestation  d'aimer  ta  Parole,  mais  i'y  mettray  les  mains:  voire,  comme  on  dit,  ie  mettray  les  mains  a  la  paste.  Par  cela  il  signifie,  que  si  nous  voulons  servir  a  Dieu  comme  il  appartient,  que  ce  n'est  point  assez  que  nous  rendions  tesmoignage  de  bouche  a  sa  verite,  mais  il  faut  que  nous  monstrions  par  nostre  bonne  vie,  ce  que  nous  protestons  de  bouche,  et  qu'il  y  ait  un  accord  et  une  melodie  entre  l'un  et  l'autre.  Il  est  vray  que  nous  aurons  quelques  difficultez,  quand  il  sera  question  de  suyvre  Dieu:  mais  il  nous  faut  noter  ce  mot  de  David,  quaud  il  dit,  I'esleveray  mes  mains:  Et  cognoistre,  que  quand  Dieu  verra  que  cela  surmontera  nostre  force  et  nostre  vertu,  qu'il  nous  fera  la  grace  que  nous  pourrons  eslever  nos  mains  a  ses  commandemens,  c'est  a  dire,  par  dessus  tout  ce  que  nous  pourrons,  afin  que  nous  prisions  mieux  sa  grace  et  sa  vertu  que  nous  ne  faisons  pas.  Voyla  comme  il  nous  en  faut  faire:  que  ne  presumans  rien  de  nos  vertus  et  de  nos  forces,  nous  prions  neantmoins  ce  bon  Dieu,  faire  valoir  tellement  sa  grace  en  nous,  qu'elle  y.  reside  et  y  regne,  et  que  nous  cognoissions  que  ce  n'est  point  en  vain  qu'il  nous  appelle  a  soy,  et