25:554  essent  in  mundo,  non  reputarunt  qualis  possit  nasci  offensio  ex  novitate  exempli.  Quare  discamus  nihil  inconsiderate  aggredi,  etiam  si  vitio  careat,  quin  potius  semper  occurrat  Pauli  admonitio,  non  tantum  quid  liceat  spectandum  esse,  sed  quid  expediat:  praesertim  sedulo  cavendum  ne  quo  novo  exemplo  turbemus  pios  animos  (1.  Cor.  6,  12  et  10,  23).  l  l  .  Audierunt  filii  Israel.  Non  dubium  est  quin  sancto  zelo  excanduerint,  neque  vehementia  videri  nimia  debet,  quod  ob  congeriem  lapidum  ad  delendos  suos  populares  se  armaverint.  Vere  enim  et  prudenter  iudicarunt  pessumdari  legitimum  Dei  sanctuarium,  eius  cultum  profanari,  sacra  violari,  dissipari  consensum  pietatis,  ianuam  aperiri  superstitionum  licentiae,  si  duobus  in  locis  immolarentur  Deo  victimae:  quibus  etiam  de  causis  tam  graviter  totum  populum  ad  unum  altare  astrinxerat.  Non  temere  itaque  decem  tribus  sacrilegam  audaciam  in  profano  altari  detestantur.  Quare  hic  nobis  illustre  proponitur  specimen  pietatis,  ut  si  videmus  corrumpi  purum  Dei  cultum,  acerrimi,  quantum  in  nobis  erit,  simus  eius  vindices.  Non  omnibus  quidem  datus  est  gladius  in  manum  :  sed  pro  sua  quisque  vocatione  et  officio,  viriliter  et  constanter  asserere  studeat  purum  religionis  statum  contra  omnes  corruptelas.  Maxime  vero  rara  laude  dignus  fuit  zelus  dimidiae  tribus  Manasse,  quae  posthabito  carnis  respectu,  familiae  suae  non  pepercit.  Interea  fateor  hoc  quamvis  pium  studium  non  caruisse  turbulento  impetu:  quia  antequam  sciscitati  fuerint  de  fratrum  suorum  animo,  et  causam  probe  tenuerint,  properant  ad  bellum  decernendum.  Fateor  quidem  id  non  fieri  nisi  sub  conditione:  quia  legatos  mittunt,  qui  causam  bene  et  penitus  compertam  referant,  nec  digitum  movent  ad  poenam  exigendam,  donec  facti  sint  sceleris  certiores.  Itaque  excusari  potest  iracundiae  fervor,  dum  se  ad  pugnam  comparant,  si  qua  defectio  deprehensa  fuerit.  16.  Sic  dicunt.  Perinde  ac  si  cognitum  esset,  unico  Dei  altari  hoc  secundum  esse  oppositum,  ab  obiurgatione  incipiunt,  et  quidem  valde  dura  et  aspera.  Sumunt  igitur  hoc  pro  confesso,  exstructum  esse  altare,  in  quo  duae  tribus  sacrificia  sua  offerant.  Hic  eos  fallit  opinio,  quia  in  alium  usum  et  finem  erat  destinatum.  Porro  si  verum  fuisset  quod  animis  conceperant,  iusta  esset  tota  expostulatio  qua  utuntur:  erat  enim  clarum  defectionis  crimen,  quidquam  mutare  in  lege  Dei,  cui  obedientia  pluris  est  quam  omnes  victimae  (1.  Sam.  15,  22):  ac  in  optima  ratione  fundata  est  haec  condemnatio,  eos  esse  apostatas,  qui  se  ab  unico  altari  subducunt.  17.  An  parum  nobis  est  Scelus  amplificant  a  pertinacia,  quod  non  desinant  Deum  subinde  lacessere  suis  abominationibus.  Proferunt  in  medium  insigne  exemplum,  ac  recentis  memoriae.  Nam  quum  a  quatuor  plagis  mundi  circumdarent  Dei