7:553  553  SEQUITUR  CONSULTATIO  CUIUS  PRIUS  MENTIO  FACTA  EST.  De  conditione  hominis  ante  lapsum.  1)  Deus  creavit  initio  hominem  ad  imaginem  et  similitudinem  suam  (Gen.  1,  26),  eumque  gratia  ornavit,  et  fecit  per  originalem  iustitiam,  ut  esset  omnibus  quum  corporis  tum  animi  viribus  rectus,  nec  agitaretur  ullis  turpidis2)  et  pravis  motibus:  sed  in  eo  caro  spiritui,  atque  inferiores  animi  vires  superioribus,  quae  tantum  ad  bonum  hortabantur,  parerent.  Quum  igitur  animus  hominis  tam  bene  constitutus  esset,  reliquit  eum  Deus  in  manu  consilii  sui  usque  eo,  ut  non  minorem  haberet  vim  ad  eligendum  bonum,  quam  malum  (Eccl.  15,  14).  Quod  si  hac  libertate  sua  usus  fuisset  recte,  et  mandatis  quae  ipsi  Deus  dederat,  obedisset,  bona  quae  acceperat  homo,  atque  iustitiam  sibi  et  omni  posteritati  suae  conservasset,  nihilque  ei  ac  posteritati  ipsius  defuisset  ad  bene  beateque  vivendum:  non  fames,  non  sitis,  non  frigus,  non  aestus,  non  dolor,  non  morbus,  non  mors  eum  afflixisset:  omne  denique  peccatum  atque  vitium  vitasset:  nec  ab  illis,  tanquam  peccatorum  stipendiis,  periculum  ei  ullum  posterisque  illius  allatum  fuisset  De  conditione  hominis  lapsi.  [pag.  4]  Verum,  postquam  primus  parens  noster  contra  quam  mandaverat  Deus  fecit  (Rom.  5,12);  incidit  in  poenam  a  Deo  propositam,  et  iustitiae  originalis  donum  pulcherrimum  amisit:  hinc  carentia  iustitiae  huius,  una  cum  vitioso  concupiscentiae  habitu,  quae  spiritui  et  superioribus  animi  viribus  perpetuo  repugnat  (Ephes.  2,  1  seqq.).  Quod  peccatum,  hoc  est,  privationem  illius  iustitiae,  qua  parte  rationem  subditam  reddebat  Deo,  una  cum  concupiscentia  in  omnem  posteritatem  suam  propagavit,  ut  cum  eo  omnes,  quotquot  in  hanc  lucem  eduntur,  homines  nascantur:  nec  eo  vacuus  sit  1)  Hinc  incipiunt  editiones  genevenses  nullo  generali  titulo  praemisso.  2)  turpibus  Bez.  et  Amst  (unordentlicheD5  troubles).