6:553  ENTRE  LES  PAPISTES.  Car  combien,  disent  ilz,  qu'il  y  ait  beaucoup  de  corruption  que  nous  ne  pouvons  approuver,  toutesfois  d'autant  qu'elle  nous  est  comme  un  memorial  de  la  Cene  du  Seigneur,  nous  la  prenons  ainsi.  Quand  donc  nous  venons  la,  c'est  pour  reduire  en  memoire  la  mort  et  passion  de  nostre  Seigneur  Iesus.  Voire?  Est  ce  ainsi  que  nous  transformons  les  choses  a  nostre  appetit,  pour  dire  que  les  tenebres  sont  clarte?  Ie  vous  prie,  quelle  similitude  y  a  il  entre  le  sainct  Sacrement  institue  du  Seigneur  Iesus,  et  ce  meslinge  compose  de  toute  ordure?  Premierement  de  ce  que  la  messe  est  tenue  pour  un  sacrifice,  [page  33]  par  lequel  Dieu  soit  appaise,  non  seulement  envers  les  vivans,  mais  aussi  envers  les  mortz,  leur  semble  il  advis  que  ce  n'est  rien?  N'est  ce  rien  que  le  Canon  qui  est  quasi  la  principale  substance  de  la  messe,  est  plein  de  blasphemes  execrables?  Item,  qu'il  s'y  fait  priere  pour  les  ames  de  Purgatoire,  laquelle  nous  scavons  estre  du  tout  superstitieuse?  Mais  quand  il  n'y  auroit  que  ceste  imagination  diabolique,  de  sacrifier  Iesus  Christ  a  Dieu,  afin  que  tel  euvre  soit  satisfaction  et  appoinctement  pour  les  vivans  et  pour  les  mortz  :  n'est  ce  pas  un  renoncement  tout  manifeste  de  sa  mort  et  passion,  laquelle  est  aneantie,  si  on  ne  la  recongnoist  pour  sacrifice  unique  et  perpetuel?  n'est  ce  pas  une  corruption  directe  de  sa  sacree  Cene?  Il  est  certain  que  ces  deux  pollutions  tant  execrables  ne  se  peuvent  separer  de  la  messe,  non  plus  que  la  chaleur  du  feu.  Quiconques  vient  la  pour  v  participer,  peut  il  estre  pur  et  net  en  commettant  [page  34]  un  tel  acte?  Est  ce  l'honneur  que  nous  portons  a  Dieu  nostre  pere,  a  Iesus  Christ1)  nostre  Maistre  et  Redempteur?  que  quand  nous  voyons  une  telle  ignominie  faicte  a  l'un  et  a  l'autre,  au  lieu  de  contredire,  nous  venons  nous  adioindre  a  celuy  qui  le  fait:  et  qui  pis  est,  induisons  les  autres  par  nostre  exemple  a  en  faire  autant  ?  N'estce  pas  trop  grande  impudence  de  dire  qu'en  deshonnorant  Dieu,  et  donnant  mauvais  exemple  a  son  prochain,  on  ne  face  point  mal?  Apres  il  y  a  l'idolatrie,  laquelle  surmonte  toute  impiete,  d'adorer  un  morceau  de  pain  comme  Dieu,  et  dire  que  ce  n'est  plus  pain,  mais  Dieu  mesme.  Si  c'estoit  la  Cene  de  nostre  Seigneur  qui  fust  la  deuement  administree,  nous  confessons  bien  qu'il  y  auroit  vraye  2)  reception  du  corps  et  du  sang  de  Iesus  Christ.  Mais  ce  ne  seroit  pas  a  dire  pourtant  que  la  substance  du  pain  fust  changee,  ou  que  le  corps  fust  cache  la  dedans.  Car  la  Cene  nous  est  [page  35]  donnee  pour  nous  faire  eslever  noz  espritz  en  hault  1)  hanccine  gratiam  rependimus  Christo  etc.  2)  vrayement  1566  smv.