5:553  ACTES  BE  RATISBONNE.  noz  pechez,  nous  le  representans  a  Dieu  le  Pere,  comme  seul  et  principal  sacrifice,  faisans  satisfaction  pour  noz  pechez:  car  il  est  nay  et  nous  a  este  donne,  a  celle  fin  que  nous  tous  qui  croyons  en  luy  ne  perissions,  ains  qu'estans  reconciliez  par  son  sang,  ayons  paix  avec  Dieu.  Secondement  l'Eglise  ne  doubte  point  qu'elle  ne  se  sacrifie  par  Christ  en  ce  sacrifice  de  messe,  d'aultant  qu'elle  est  le  corps  mystique  de  Christ,  car  puis  qu'elle  recongnoist,  que  par  ceste  immolation  de  Christ  une  foys  faicte  spirituellement  en  croix,  nous  sommes  tous  perdus,  si  nous  ne  sommes  sauvez  apres  estre  reconciliez  par  iceluy  seul  sacrifice.  De  la  vient  aussi,  que  de  son  coste  elle  se  dedie  du  tout  a  Dieu,  tout  ainsi  que  Christ  nous  portoit  tous  en  la  Croix  et  menoit  la  cause  de  toute  l'Eglise,  la  sacrifiant  au  Pere  en  soymesme.  Ainsi  l'Eglise,  reduisant  en  memoire  par  chrestienne  devotion  ce  sacrifice  de  si  grande  efficace,  elle  se  dedie  toute  au  Dieu  vivant,  et  ce,  par  Christ.  Et  pour  ce  qu'elle  estend  ses  rameaux  sur  les  temps  passez,  presens  et  futurs,  et  a  pour  ses  membres  non  seulement  ceux  qui  vivent  par  foy  en  ceste  vie  presente,  mais  aussi  ceux  qui  nous  ont  precede  avec  le  signe  de  foy:  a  ceste  cause  icelle  Eglise  ne  se  divise  point  en  ce  sacrifice  tresexcellant,  lequel  est  faict  par  ministere  publique,  en  consentement  de  foy:  lors  qu'elle  reduict  en  memoire  que  Christ  est  une  foys  mort,  a  celle  fin  qu'il  obtint  domination  sur  les  vivans  et  sur  les  mortz:  ains  comme  se  remettant  en  un,  a  souvenance,  non  seulement  des  presens,  mais  aussi  des  sainctz,  lesquelz  elle  congnoist  asseurement  estre  vivans  envers  Dieu,  et  aussi  des  aultres  freres  et  seurs  qui  dorment  au  Seigneur,  n'estans  point  encore  assez  du  [fol.  50]  tout  purgez.  Icelle  tesmoigne  aussi,  qu'elle  entend  en  ce  sacrifice  l'unite  du  corps  de  Christ,  estant  conioincte  par  communication  delectable  par  la  foy,  tant  de  ceux  qui  vivent  envers  Dieu,  que  touchee  et  esmeue  par  la  charite  et  sollicitude  vraye  de  tous  aultres  membres,  qui  sont  en  Christ.  A  ceste  cause  les  Peres  rendent  tesmoignaige,  que  l'Eglise  en  ce  sacrifice  non  seulement  celebre  la  memoire  des  Martyrs  pour  nous  exciter  a  imitation  :  et  aussi  a  celle  fin  que  nous  soyons  participans  de  leurs  merites:  mais  supplie  pour  tous  ceux  qui  sont  mortz  en  foy,  et  que  par  telles  prieres  leurs  ames  sont  soulagees:  lesquelz  toutesfoys  ont  acquis  en  ceste  vie  par  le  merite  de  foy,  que  cela  leur  peult  profiter  apres  la  mort.  Tiercement  le  sacrifice  de  louenge  (qui  est  aussi  la  fin  de  ceste  constitution)  est  offert  en  la  messe,  c'est  a  dire.  il  comprend  le  sacrifice  de  foy,  esperance  et  charite  :  et  sont  toutes  choses  action  de  graces,  laquelle  nous  rendons  pour  le  souverain  benefice  a  nous  faict  et  a  toute  l'Eglise:  a  raison  de