48:553  553  CAPUT  XXVII.  554  aliis  laborare  passus  est,  donec  se  putaret  morti  addictum.  Non  enim  ante  illi  per  angelum  apparuit  quam  videri  posset  de  eius  vita  actum  esse.  Quare  non  modo  iactatum  inter  procellas  fuit  eius  corpus:  sed  anima  quoque  duris  et  violentis  tentationibus  fuit  concussa.  Eventus  tamen  ipse  ostendit,  fide  substitisse  ne  labasceret.  Lucas  quidem  non  refert  eius  preces:  sed  quia  postea  ipse  recitat  angelum  Dei,  cui  serviebat,  sibi  fuisse  visum,  probabile  est  dum  alii  coelo  et  terrae  maledicebant,  suas  preces  sursum  direxisse:  et  ita  quietum  fuisse,  et  composito  animo  exspectasse  quid  Deo  placeret.  Quod  autem  dicit  ablatam  fuisse  spem  salutis,  non  debet  referri  ad  eius  sensum,  sed  tantum  ad  humana  media:  ac  si  dixisset,  ita  res  fuisse  confusas,  ut  humanitus  nulla  salus  restaret.  21.  Quum  autem  multa  fuisset  inedia,  tunc  stans  Paulus  in  medio  eorum  dixit:  Oportebat  quidem  j  o  viri,  mihi  obtemperando  non  solvere  a  Creta,  nec  accersere  nobis  iniuriam  hanc  et  iacturam.  22.  Et  nunc  hortor  ut  bono  animo  sitis.  Iactura  enim  animae  nulla  erit  ex  vobis:  sed  tantum  navis.  23.  Adstitit  enim  mihi  hac  nocte  angelus  Dei  cuius  sum  ego,  quem  et  colo,  24.  dicens:  Ne  timeas,  Paule,  Caesari  te  oportet  sisti.  Et  ecce  donavit  tibi  Deus  omnes  qui  navigant  tecum.  25.  Propter  quod  bono  animo  estote,  viri.  Credo  enim  Deo,  quod  sic  erit  quemadmodum  dictum  est  mihi.  26.  In  insulam  autem  quandam  oportet  nos  incidere.  27.  Sed  postquam  quartadecima  nox  supervenit,  navigantibus  nobis  in  Adria,  circa  medium  noctis  suspicabantur  nautae  apparere  sibi  aliquam  regionem.  28.  Qui  et  demissa  bolide  repererunt  passus  viginti:  ac  pusillum  inde  digressi,  rursum  demissa  bolide  repererunt  passus  quindecim.  29.  Timentesque  ne  in  aspera  loca  inciderent,  de  puppi  iactis  anchoris  quatuor,  optabant  diem  oriri.  30.  Nautis  vero  quaerentibus  fugere  e  navi,  quum  demisissent  scapham  in  mare,  sub  praetextu  velut  e  prora  anchoras  extensuri,  31.  dixit  Paulus  centurioni  et  militibus:  Nisi  hi  in  navi  manserint,  vos  salvi  fieri  non  potestis.  32.  Tunc  absciderunt  milites  funes  scaphae  et  passi  smit  eam  excidere.  21.  22.  Quum  multa  fuisset  inedia.  Quamquam  diserte  non  exprimit  Lucas  quomodo  se  nautae  et  milites  gesserint,  Paulum  tamen  satis  clare  ab  illis  discernit,  narrans  in  medio  eorum  stetisse,  ut  collapsos  eorum  animos  erigeret.  Neque  enim  ad  hortandum  idoneus  est,  nisi  qui  ipse  est  constantiae  et  fortitudinis  exemplum.  Porro  hanc  exhortationem  distulit  Paulus,  donec  omnes  fere  exanimes  iacerent.  Ex  vulgari  infidelium  more  coniicere  promptum  est,  inter  principia  sine  modo  et  temperamento  fuisse  tumultuatos.  Inter  clamores  illos  et  strepitus  nunquam  moderata  vox  audita  fuisset.  Nunc  postquam