32:553  553  SUR  LE  PSEAUME  CXIX.  554  soit  ne  point  abbatue  par  leur  grandeur,  ne  par  leurs  pompes:  scachans  quand  il  semblera  qu'ils  doyvent  tout  engloutir,  que  nous  ne  laisserons  point  d'estre  tousiours*  victorieux,  voire  d'autant  que  nons  aurons  regard  a  luy.  Or  yci  il  nous  faut  noter,  que  quand  Dieu  aura  fait  valoir  sa  verite  en  nous,  qu'elle  sera  suffisante  pour  nous  faire  tenir  debout:  voire  nonobstant  tous  les  combats  que  le  Diable  nous  suscitera,  combien  que  tout  le  monde  nous  soit  contraire.  Et  ce  n'est  point  sans  cause  que  cela  est  dit,  car  sur  quoy  est-ce  que  nostre  foy  s'appuye?  Sur  la  verite  de  Dieu.  Or  faisons  maintenant  conparaisou  de  Dieu  avec  les  hommes,  et  avec  toutes  leurs  oeuvres  et  leurs  vertus.  Prenons  les  Empereurs  et  les  Rois:  que  toute  ceste  gloire  et  toute  ceste  pompe  qu'ils  ont  vienne  en  avant,  et  que  Dieu  soit  mis  a  l'opposite:  ascavoir  si  les  hommes  avec  toute  leur  grandeur*,  et  avec  toutes  leurs  fanfares,  devront  surmonter  Dieu,  ou  s'ils  devront  renverser  sa  volonte,  ou  s'ils  devront  aneantir  sa  vertu?  O!  il  est  bien  certain  que  non.  Ainsi  donc,  que  nous  regardions  a  qui  nous  avons  a  faire,  et  qu'il  nous  souvienne  de  ce  mot  de  sainct  Paul,  Tu  scais  dit-il,  a  qui  tu  as  creu.  Quand  donc  nous  avons  ainsi  nos  yeux  fichez  en  Dieu,  lequel  nous  a  armez  de  sa  verite  infallible,  nous  pourrons  despiter  tout  ce  qui  s'est  esleve  au  contraire:  du  coste  du  monde  nous  n'aurons  point  occasion  de  craindre,  car  Dieu  est  assez  puissant  pour  venir  au  dessus  de  toutes  les  difficultez  et  fascheries  que  le  diable  nous  suscitera.  Voyla  donc  quant  k  ce  poinct.  Et  au  reste,  nous  voyons  quand  ii  est  question  de  faire  confession  de  nostre  foy,  qu'il  ne  faut  pas  que  les  hommes  nous  estonnent  en  toutes  leurs  grandeurs.  Comme  auiourd'huy,  quand  on  voudra  bien  nous  esbranler.  Et  quoy?  (dira-on)  vous  n'estes  qu'une  poignee  de  gens.  Pensez-vous  estre  plus  sages  que  ne  sont  les  Rois  et  ies  princes  de  ce  monde?  Vous  voyez  que  tout  le  monde  resiste  a  ceste  doctrine  que  vous  tenez:  et  que  pensez-vous  faire?  Il  est  vray  que  de  prime  face  ce  seroit  pour  nous  esbranler,  voire  n'estoit  que  nous  sceussions,  et  que  nous  fussions  certains  a  qui  nous  avons  creu:  mais  quand  nous  regardons  a  Dieu,  cela  s'esvanouit:  ce  ne  sont  que  vessies  pleines  de  vent  :  il  ne  faut  que  la  pointe  d'une  espingle  pour  les  faire  crever.  Il  est  vray  que  cela  fera  de  grans  tintemarres,  mais  tout  cela  n'est  rien.  Voyla  des  grenouilles,  voyla  des  fourmis,  voire  des  poux,  et  des  puces,  et  des  punaises:  ce  ne  sont  que  vermines,  puis  qu'ils  s'eslevent  ainsi  contre  Dieu.  Ainsi  donc  apprenons,  apprenons  de  nous  appuyer  tellement  en  Dieu,  que  quand  il  sera  question  de  faire  confession  de  nostre  toy,  puis  qu'ainsi  est  que  c'est  Dieu  qui  a  parle,  que  toutes  creatures  ne  nous  soyent  rien:  que