7:552  A  reliquis  vero  Statibus,  qui  novationes  induxerunt,  similiter  sua  Maiestas  clementer  valde  ac  serio  requirit,  ut  vel  ad  communes  Status  accedentes  in  observatione  constitutionum  et  caeremoniarum  ecclesiae  catholicae  per  omnia  cum  illis  conveniant,  vel  saltem  doctrinam  suam  et  ecclesiarum  institutionem  iuxta  praedictam  consultationem  in  omnibus  moderentur,  nec  ulterius  quidquam  instituant,  aut  longius  progrediantur.  Quod  si  qui  forte  iam  longius  abscessissent,  ut  ii  ad  consultationis  illius  moderationem  modis  omnibus  se  recipiant,  atque  illius  se  limitibus  contineant,  et  ut  omnes  Imperii  ordines,  quo  tranquillitati  et  paci  publicae  commodior  locus  esse  possit,  praedictam  consultationem  hoc  tempore  tolerent,  eamque  nec  ipsi  oppugnent,  nec  ab  aliis  oppugnari,  aut  doctrina,  aut  scripto,  aut  concionibus  permittant,  sed  concilii  generalis  definitionem  et  declarationem  aequo  animo  et  obedienter  exspectent.  Interea  tamen  sua  Maiestas  omnem  curam,  studium  et  diligentiam  adhibebit,  ut  generale  concilium,  quod  Status  omnes  efflagitant,  celebretur  primo  quoque  tempore,  et  germanica  natio  a  praesenti  hac  dissensione  penitus  liberetur.  Nunc  quoque  Maiestas  eius  dat  operam  ut  christiana  reformatio  concipiatur,  his  etiam  comitiis  Statibus  publicanda,  magna  spe  ac  fiducia,  quod  haec  ipsa  ad  disciplinae  christianae  conservationem  et  virtutum  progressum,  et  ut  abusus  ac  scandala  tolli  possint,  multum  utilitatis  sit  allatura.  Et  quoniam  in  praedicta  consultatione,  sub  titulo  de  caeremoniis,  inter  alia  scribitur,  tolli  atque  emendari  debere,  si  quid  forte  irrepsisset  quod  causam  dare  possit  superstitioni  ete.,  reservat  sibi  sua  Maiestas  curam  in  hoc  ipso  negotio,  atque  aliis,  ubi  et  quando  opus  fuerit,  modum  et  ordinem  legitimum  constituendi.  Si  quid  enim  Caesarea  Maiestas,  quod  ad  Dei  gloriam,  ad  pacificandam  religionem,  firmandam  pacem,  iustitiam  et  tranquillitatem  in  sacro  Imperio  germanicae  nationis,  denique  ad  omnium  Imperii  9rdinum  utilitatem  pertineat,  suscipere,  instituere,  efficere  aut  urgere  poterit,  in  eo  se  cum  omni  clementia^  ut  Imperatorem  facere  par  est,  exhibet  paratissir  mum,  quaeque  omnia  Caesarea  Maiestas,  ut  animum  suum  declararet,  communibus  Statibus  clementer  significare  voluit