5:552  nous  soions  eschauffez  en  amour  de  celuy  duquel  nous  desirons  veoir  l'Image.  Donc  il  fault  bien  sur  toutes  choses  prendre  garde,  qu'aultres  Images  ne  soient  [fol.  48]  mises  en  l'Eglise,  sinon  que  celles  qui  representent  la  memoire  des  choses  vrayes  et  Histoires.  D'avantage  qu'elles  ne  soient  controuvees  selon  la  vanite  du  monde,  aussi  que  fiance  ne  soit  colloquee  en  icelles.  Car  alors  elles  peuvent  estre  retenues  sans  dangier,  quand  on  ne  leur  attribue  aucune  divinite,  et  qu'on  ne  met  la  aucunement  son  esperance,  ains  tant  seulement  qu'elles  sont  comme  signes  de  victoire  des  choses  qui  ont  este  faictes  par  vertu  divine,  et  que  ce  qui  est  presente  par  l'Image  est  honnore,  non  pas  l'Image  proprement.  D'avantaige  toute  l'Eglise  est  de  cestuy  consentement,  que  la  messe  en  laquelle  est  faict  le  vray  corps  et  sang  de  Christ,  est  sacrifice,  mais  sans  mort,  estant  spirituel:x)  Car  en  icelle  (moyennant  que  la  chose  soit  faicte  deuement  et  Chrestiennement)  quatre  choses  sont  offert  es.  Christ  pour  le  premier,  lequel  s'est  luy  mesme  offert  au  Pere  pour  sacrifice  sanglant,  suffisant  et  aggreable  a  Dieu  pour  noz  pechez.  Iceluy  mesme  en  la  messe  (qui  est  de  tous  les  services  divins  l'oeuvre  le  plus  sainct  et  ministere  publique  en  l'Eglise)  pour  toute  l'Eglise,  par  sacrifice  representans  est  immole  a  iceluy  Dieu  son  Pere.  Ce  qui  se  faict  quand  l'Eglise  le  presente  avec  son  vray  corps  et  sang  a  Dieu  le  Pere,  pour  les  pechez  de  tout  le  monde.  Car  combien  que  ceste  oblation  faicte  une  foys  en  la  Croix  soit  passee,  et  qu'elle  ne  se  puisse  plus  reiterer,  toutesfoys  le  sacrifice  immole  demeure  tousiours  en  sa  propre  vertu  :  tellement  que  ceste  offrande  n'est  point  auiourdhuy  moindre  efficace  devant  le  Pere,  qu'au  iour  auquel  sang  et  eaue  sortit  de  son  sainct  coste,  i'entend  en  iceux  qui  la  presentent  a  Dieu  par  vraye  foy.  A  ceste  cause  les  Peres  ont  accoustume  d'appeler^  le  corps  et  le  sang  de  Christ  presens  en  l'autel,  tantost  le  priz  pour  les  pechez  de  tout  le  monde,  puis  le  priz  de  nostre  ranceon,  et  le  sacrifice  salutaire.  Et  Chrysostome  tesmoigne,  que  tousiours  nous  offrons  ceste  mesme  oblation,  qui  a  este  une  foys  offerte,  et  que  l'un  et  l'aultre  est  un  mesme  sacrifice,  [fol.  49]  un  mesme  Christ,  estant  icy  pleinement  et  la  aussi.  En  telle  sorte  toutesfoys  que  le  sacrifice  que  nous  faisons  soit  image  de  l'aultre,  en  commemoration  de  celuy  qui  a  este  faict  une  foys.  Et  ce  non  sans  cause.  Car  Dieu  nous  a  donne  son  Filz  Iesus  Christ,  a  celle  fin  que  nous  deffians  de  noz  propres  forces:  et  nous  sentans  coulpables  de  1)  Note  margmale:  Les  Protestans  ont  presente  touchant  la  Messe  leur  propre  escrit,  signe  G.