35:552  faut  addresser  a  luy.  Voyla  douc  ce  que  nous  avons  a  retenir  de  ceste  doctrine  d'Ezechias:  quand  nous  voyons  ces  propos  rompus,  qu'il  y  a  ces  gazouillemens,  que  nous  voyons  ses  passions  estre  si  exhorbitantes  qu'elles  le  troublent,  que  nous  cognoissons  que  Dieu  a  voulu  yci  monstrer  un  miroir,  auquel  nous  contemplions  nos  foiblesses,  et  les  tentations  ausquelles  nous  sommes  suiets,  afin  de  batailler  a  l'encontre,  et  de  tousiours  poursuyvre  iusques  a  ce  que  nous  sentions  l'allegement  qu'il  nous  promet:  comme  nous  le  sentirons  de  faict,  moyennant  qu'il  y  ait  une  vraye  perseverance,  et  que  nous  ne  defaillions  point  par  nostre  laschete  et  paresse  au  milieu  du  chemin.  Or  nous  nous  prosternerons  devant  la  maieste  de  nostre  bon  Dieu  en  cognoissance  de  nos  fautes,  le  prians  que  de  plus  en  plus  il  nous  les  face  sentir,  iusques  a  ce  que  nous  en  soyons  vrayement  despouillez.  Et  combien  qu'il  y  ait  tousiours  beaucoup  a  redire  en  nous,  que  toutes  fois  nous  ne  laissions  pas  d'esperer  en  sa  misericorde:  et  qu'il  nous  la  face  tellement  gouster,  au  nom  de  nostre  Seigneur  Iesus  Christ,  que  ce  soit  pour  nous  donner  vraye  patience  en  toutes  nos  afflictions  :  et  que  nous  soyons  tellement  retenus  en  son  obeissance,  que  nous  ne  demandions  sinon  de  nous  offrir  a  luy,  et  nous  y  sanctifier  du  tout.  Que  non  seulement  il  nous  face  ceste  grace,  mais  a  tous  peuples  et  nations  etc.  TROISIEME  SERMON.  15.  Que  diray-ie?  Luy  qui  Va  dit,  U  Va  aussi  fait  Ten  marcheray  bellement  tous  les  iours  de  ma  vie  en  Vamertnme  de  mon  ame.  16.  Seigneur,  a  tous  ceux  qui  vivront  plus  outre,  la  vie  de  mon  esprit  sera  notoire  en  iceux,  en  ce  que  tu  m'as  assopi,  et  m'as  vivifie.  17.  Voyci,  en  ma  prosperite  Vamertume  m'a  este  amere:  et  tu  as  aime  mon  ame  pour  la  retirer  du  sepulchre,  d'autant  que  tu  as  iette  mes  pecher  derriere  le  dos.  Nous  avons  desia  par  ci  devant  expose  que  le  bon  Roy  Ezechias,  se  plaignant  que  c'est  Dieu  qui  le  persecute,  est  plus  confus  a  cause  de  cela,  que  s'il  avoit  tous  lea  hommes  de  ce  monde  ennemis,  et  qu'ils  eussent  conspire  a  le  tormenter:  comme  aussi  c'est  une  chose  beaucoup  plus  dure,  et  qui  nous  doit  estonner  plus  sans  comparaison,  si  Dieu  s'esleve  contre  nous,  que  si  toutes  les  creatures  nous  faisoyent  la  guerre.  Voyla  donc  pourquoy  Ezechias  demeure  confus  et  en  trouble,  d'autant  qu'il  sent  bien  que  ce  que  Dieu  luy  a  declare  par  son  Prophete  Isaie  est  maintenant  accompli  en  luy.