32:552  seconde  aux  Corinthiens.  Il  est  vray,  dit-il,  que  nous  sommes  pressez  de  maux,  mais  tant  y  a,  que  nous  ne  demeurerons  point  en  angoisse:  Dieu  nous  en  delivrera  tousiours,  et  nous  donnera  bonne  issue  et  ioyeuse,  tellement  qu'en  fin  nous  reviendrons  au  dessus.  Voyla  donc  ce  qui  nous  est  declaire  en  ce  passage,  quand  il  est  dit,  Ie  chemineray  au  large,  Seigneur:  d'autant  que  i'ay  cerche  tes  commandemens.  Ainsi  cognoissons,  quand  nostre  vie  est  si  miserable,  qu'il  faut  que  nous  soyons  en  peine,  en  perplexite  et  angoisses  :  que  tout  cela  procede  de  nostre  vice,  pource  que  nous  ne  venons  point  nous  presenter  a  Dieu:  que  nous  ne  souffrons  peint  d'estre  conduits  par  luy,  que  nous  ne  remettons  point  nostre  vie  entre  ses  mains,  et  que  nous  ne  venons  point  aussi  de  nostre  bon  gre  cercher  le  remede,  apres  que  nous  avons  cognu  le  mal:  c'est  a  dire,  que  nous  demandions  a  Dieu  qu'il  luy  plaise  de  nous  prendre  en  sa  conduite,  sans  que  nous  attentions  rien  sinon  ce  q,u'il  nous  dit  par  sa  Parole.  Car  quand  nous  en  ferons  ainsi,  il  n'y  a  doute  qu'il  ne  nous  face  cheminer  au  large.  Or  il  s'ensuit,  Ie  parleray  de  tes  tesmoignages  devant  les  Bois:  et  ne  seray  point  confus.  Voy  ci  une  declaration  du  propos  que  nous  avons  desia  touche  par  cy  devant:  car  David  faisant  ceste  requeste,  Que  la  Parole  de  verite  ne  luy  fust  point  ostee  a  iamais  de  la  bouche,  regardoit  a  deux  choses:  c'est  ascavoir,  qu'ayant  dequoy  parler,  apres  que  Dieu,  en  luy  faisant  grace,  luy  auroit  ouvert  la  bouche,  confermeroit  les  enfans  de  Dieu  par  son  exemple,  et  les  ameneroit  a  luy,  leur  monstrant  le  chemin.  Et  cependant  qu'il  repousseroit  les  meschans  et  les  contempteurs  de  Dieu,  et  de  la  doctrine,  ceux  qui  se  moquoyent  de  son  esperance,  ceux  qui  blasphemoyent  contre  Dieu:  qu'il  auroit,  di-ie,  dequoy  les  rembarrer,  et  tenir  bon  contr'eux.  Or  il  declaire  ce  propos-la,  en  disan.t,  Ie  parleray  de  tes  tesmoignages:  pource  que  Dieu  ne  luy  aura  plus  oste  la  parole  de  verite  de  sa  bouche.  Or  outre  ce  que  Dieu  nous  donne  matiere  de  parler  franchement,  encores  faut-il  que  cela  vienne  du  luy,  comme  nous  oyons  que  nostre  Seigneur  Iesus  Christ  en  parle:  que  c'est  l'Esprit  de  Dieu  qui  conduit  nos  langues,  que  nous  n'avons  pas  cela  de  nous  mesmes  de  pouvoir  respondre  a  nos  ennemis,  qu'il  ne  faudra  qu'un  petit  vent  pour  nous  effaroucher.  Ainsi  donc,  il  est  bon  besoin  que  Dieu  use  de  sa  vertu,  que  nous  soyons  confermez  par  luy:  car  quand  il  nous  aura  mis  sa  Parole  en  la  bouche,  nous  pourrons  parler  devant  les  Rois  et  devant  les  princes,  et  ne  serons  point  confus.  Comme  s'il  estoit  dit,  Seigneur,  il  faut  que  ta  Parole  nous  soit  d'une  telle  vertu,  que  nous  puissions  repousser  tous  nos  ennemis,  voire  quelques  grans  qu'ils  soyent:  combien  qu'ils  soyent  pour  estonner  tout  le  monde,  que  nostre  foy  ne