25:552  bilis  vero  eorum  tolerantia,  quod  taedio  impulsi  non  antevertunt,  sed  quieti  exspectant  dum  ultro  eos  accersat  Iosue.  5.  Tantum  observate.  Temporali  stipendio  ita  eos  solvit  ac  liberat,  ut  in  perpetuum  devinciat  imperio  unius  veri  Dei.  Redire  itaque  domum  permittit:  sed  hac  lege,  ut  Deo  ubicunque  sint  militent,  modum  simul  praescribit,  ut  legem  eius  servent.  Sed  quoniam  ea  est  humani  ingenii  vanitas  et  inconstantia,  ut  facile  evanescat  ex  cordibus  religio,  obrepat  incuria  et  contemptus,  exigit  ab  ipsis  studium  ac  diligentiam  in  lege  praestanda.  Legem  vocat  Mosis,  ne  per  aereas  speculationes  volitent:  sed  maneant  defixi  in  ea  doctrina,  quam  didicerant  ex  fideli  Dei  servo.  Finem  quoque  et  summam  legis  attingit,  ut  diligant  Deum,  et  adhaereant  ei,  quia  exterior  cultus  alioqui  parum  ponderis  haberet.  Idem  confirmat  aliis  verbis,  ut  serviant  Deo  in  toto  corde  et  tota  anima,  quibus  verbis  notatur  sinceritas.  8.  Cum  divitiis.  Quia  ante  visum  est,  maiorem  partem  duarum  tribuum  relictam  fuisse  in  suis  agris  trans  Iordanem,  quum  alii  ad  gerendum  bellum  traiicerent,  aequum  erat,  quum  in  otio  cum  suis  familiis  vixissent,  vel  tantum  occupati  fuissent  in  domesticis  negotiis,  contentos  esse  suo  victu,  et  fructu  suorum  laborum.  Et  certe  improbe  postulassent  sibi  quidquam  ex  praeda  et  spoliis  distribui,  quum  omnium  molestiarum  et  periculorum  fuissent  expertes.  Verum  Iosue  non  in  summo  iure  insistit:  sed  milites  hortatur,  ut  liberaliter  ipsos  praedae  suae  participes  faciant.  Hic  intempestive  quispiam  disputet,  fueritne  communis  praeda.  Neque  enim  simpliciter  pronunciat  Iosue  deberi  quod  iniungit  :  sed  tantum  admonet  quum  Dei  benedictione  ditati  fuerint,  non  fore  satis  humanos,  nisi  largi  sint  et  benefici  erga  fratres  :  praesertim  quia  per  eos  non  steterat,  quominus  ad  eandem  expeditionem  se  accingerent.  Caeterum  quum  iubet  dividere,  non  flagitat  aequam  partitionem,  qualis  fieri  solet  inter  socios  et  pares  :  sed  aliquid  erogando  tollere  invidiae  et  odii  materiam.  10.  Devenerunt  autem  ad  limites  Iordanis  qui  erant  in  terra  Chanaan,  et  aedificaverunt  filii  Ruben,  et  filii  Gad,  et  dimidia  tribus  Menasse  ibi  altare  iuxta  Iordanem,  altare  magnum  visu.  l  l  .  Audierunt  autem  filii  Israel  dici:  Ecce  aedificaverunt  filii  Ruben,  et  filii  Gad,  et  dimidia  tribus  Menasse  altare  e  regione  terrae  Chanaan  in  confinibus  Iordanis  in  transitu  filiorum  Israel.  12.  Audierunt,  inquam^  filii  Israel,  et  convenerunt  universus  coetus  filiorum  Israel  in  Silo,  ut  ascenderent  contra  eos  ad  pugnam.  13.  Miserunt  autem  filii  Israel  ad  filios  Ruben,  et  ad  filios  Gad,  et  ad  dimidiam  tribum  Menasse,  ad  terram  Gilead,  "Phinees  filium  Eleazar  sacerdotis.  14.  Et  decem