20:552  communes  habere  cum  Iudaeis.  Itaque,  utcunque  Iudaei  orarent,  quum  semper  eorum  preces  odiosae  et  mali  odoris  essent  Deo,  non  video  quomodo  apostoli  cum  Iudaeis  orare  et  in  coetu  Iudaeorum  adorare  potuerint.  Nec  vero  propter  electos  aut  infirmos  ex  Iudaeis  licebat  apostolis  communicare  precibus  Iudaeorum  quum  nihil  mali  agendum  sit  ut  aliquid  boni  eveniat:  quum  eadem  ratione  dici  possit  propter  infirmos  papistas  in  templis  et  coetu  papistarum  adorare  posse.  His  adiicio  ferendas  mihi  videri  potius  preces  papistarum,  qui  in  nomine  Christi  crucifixi  preces  fundunt  ad  Deum,  quam  preces  Iudaeorum  qui  Christum  penitus  negabant.  Nam  licet  papistae  vel  per  divos  patere  sibi  aditum  putent  ad  Christum,  et  per  Christum  accedant  ad  Deum,  vel  socios  mediatores  Christo  affingant,  Iudaeorum  tamen  impietas,  qui  penitus  Christum  respuebant,  maior  et  intolerabilior  est.  Sed  si  diceremus  praedicationem  verbi  Dei  (nam  praedicare  verbum  Dei  est  colere  Deum)  speciem  esse  adorationis,  Paulum  ingressum  esse  ut  praedicaret  et  annunciaret  evangelium,  an  subtiliorem  quam  par  sit  expositionem  admitteremus  ?  Venio  nunc  ad  Paulum  qui  se  totundit  in  Cenchrea  et  qui  se  in  templo  purificavit,  et  hac  ratione  omnia  omnibus  factus  est.  Quum  videam  omnes  interpretes  caeremonias  post  Christi  adventum  liberas  constituere,  respondi,  his  tanquam  indifferentibus  licere  uti  ad  aedificationem  proximi.  Libertatem  in  caeremoniis  probavi,  quod  quominus  essent  liberae  apud  Iudaeos  necessitas  tantum,  qua  adstringebantur  in  lege  Domini,  in  causa  erat:  qua  necessitate  sublata  per  mortem  Christi  libertas  omnimoda  consequebatur.  Quum  caeremoniae  in  lege  institutae  sint  eo  modo  post  Christi  mortem  accipiendae  tanquam  nunquam  essent  institutae.  Verum  non  satisfieri  eorum  argumentis  qui  aiunt,  quatenus  umbrae  veritati  sunt  contrariae,  caeremonias  pari  ratione  esse  Christo  contrarias  qua  sunt  sacrificia,  scilicet  quatenus  veritati  repugnant.  Si  respondero  caeremonias  umbras  esse  ex  decreto  Domini,  quo  cruci  affixo  sequitur  non  amplius  esse  umbras,  respondebitur  idem  dicendum  esse  de  omnibus  sacrificiis,  quibus  tamen  non  licuisse  apostolis  sese  intermiscere  censet  Petrus  Martyr  ex  August,  (pag.  269,  so.  2  in  Commentario  in  Epistol,  ad  Corinth.)  tanquam  non  liberis:  quibus  tamen  usum  Paulum  probabile  est,  quod  in  purificationibus  essent  sacrificia  pacifica,  ut  appellantur,  ut  patet  ex  6��  Cap.  Numer.  v.  l  l  et  lb.  Item  respondebitur,  videndum  esse  quales  et  cuiusmodi  habitae  fuerint  ab  his  qui  illis  abutebantur.  Quum  enim  duplex  hominum  genus  in  templum  Ierosolymitanum  conflueret,  unum  eorum  qui  Christum  crucifixerant  et  illi  caeremonias  tanquam  umbras  et  Christi  adventui  contrarias  amplecterentur,  alterum  corum  qui  ex  Iudaismo  ad