7:551  551  INTERIM.  552  haec  religionis  usque  ad  progressum  et  definitionem  concilii,  in  hac  rerum  omnium  perturbatione  et  confusione  relicta  penderet,  sed  potius  ad  christianam  aliquam  conciliationem  moderationemque  perducta,  in  meliore  sensu,  et  concordiae  publicae  magis  accommodato  collocaretur.  Non  enim  existimabat  contrariis  sectis  undique  erumpentibus,  amplius  dissimulandum  esse,  aut  ullo  modo  serendum,  ut  per  eas  pax  publica  impediri  deinceps  aut  perturbari  possit.  Haec  ita  agenti  suae  Maiestati,  et  nihil  in  re  gravi  ac  difficili  aut  laboris  aut  operae  intermittenti,  quidam  magni  nominis  et  status  egregia  animi  voluntate,  qua  pacem  publicam  et  christianam  concordiam  prosequuntur,  et  singulari  in  patriam  caritate  permoti,  sententiam  suam  in  hoc  religionis  negotio,  quae  hic  adiuncta  est,  opportune  obtulerunt  tradideruntque  diligentius  expendendam,  simul  polliciti,  se  eam  diligenter  observaturos  esse.  Hanc  vero  consultationem  sibi  oblatam  quum  Caesarea  Maiestas  nonnullis  theologis,  peritia  sacrarum  literarum,  singulari  fide  atque  eruditione  praeditis,  excutiendam  dedisset,  ex  eorum  relatu  accepit,  eam  consultationem,  si  in  sensu  recto  et  catholico  intelligatur,  nostrae  verae  et  catholicae  religioni,  ecclesiasticae  doctrinae  statutis  et  ordinationibus  (exceptis  tantum  duobus  articulis,  communionem  utriusque  speciei  et  coniugium  sacerdotum  contingentibus),  minime  adversari,  sed  potius  ad  promovendam  ac  consequendam  in  hoc  religionis  dissidio  concordiam,  ad  pacem  in  Imperio  stabiliendam,  futuram  utilem  atque  accommodatam,  qualem  et  nunc  sua  Maiestas  spectata  horum  temporum  conditione  esse  iudicat,  ut  quae  nihil  magis  optet,  aut  sibi  curandum  putet,  quam  videat  aliquando  universos  Imperii  ordines  in  altissima  pace  degentes,  unius  sanctae  religionis  concordi  vinculo  coniunctos,  quemadmodum  ex  ratione  imperatoriae  dignitatis  ad  se  existimat  pertinere.  Quare  nunc  Caesarea  Maiestas  a  communibus  Imperii  Statibus,  qui  ecclesiae  catholicae  institutiones  ac  decreta  hactenus  summa  cum  laude  observaverunt,  clementer  requirit,  ut  eadem  deinceps  religiose  observent  ,  teneantque  constanter,  nec  se  ab  eis  avelli  ullo  modo  patiantur,  aut  omnino  quidquam  immutent,  quod  ipsi  se  facturos  et  perseveranter  observaturos  esse  iam  antea  obtulerunt  ac  receperunt.