5:551  ACTES  DE  RATISBONNE.  ples  du  sainct  Esprit.  Par  laquelle  recordation,  sans  aucune  doubte,  nostre  foy  est  eslevee  en  Dieu  de  telle  sorte,  que  tout  ainsi  qu'iceux  par  foy  ont  vaincu  les  Royaumes,  et  ont  faict  iustice  (Eor.  l  l  ,  33):  aussi  nous,  ayans  un  mesme  Esprit  de  foy,  estans  confirmez  par  leurs  exemples,  taschons  a  surmonter  toutes  choses  adverses,  et  ce  au  Seigneur.  A  ceste  cause  aussi,  comme  il  appert,  Dieu  a  faict  souventesfoys  plusieurs  excellens  miracles  es  monumentz  des  Sainctz:  a  celle  fin  que  par  ce  il  excitast  la  foy  des  siens,  les  provoquans  a  l'imitation  des  Sainctz  personnages.  Car,  comme  dict  sainct  Augustin  (lors  qu'il  racompte,  que  l'Eglise  s'esiouyssoit  grandement  en  un  miracle  faict  a  ]a  memoire  de  sainct  Estienne),  qui  est  ce  qui  povoit  estre  es  coeurs  de  ceux  qui  s'esiouyssoyent,  sinon  la  foy  de  Christ,  pour  laquelle  le  sang  de  sainct  Estienne  a  este  respandu?  [fol.  47]  Aussi  les  Anciens  ont  pour  ce  adiuge  la  veneration  des  Reliques  estre  utile,  a  cause  qu'elles  nous  promettent  par  parolle  secrette  la  future  resurrection:  dressans  nostre  esperance  a  l'expectation  de  la  glorification  future  de  nostre  corps:  ce  qui  advient  veritablement,  quand  nous  reduisons  en  memoire,  qu'iceux  mesmes  corps  des  Sainctz  seront  une  foys  ressuscitez:  ia  soit  qu'ilz  soient  ia  inumez:  et  que  nostre  Dieu  est  Dieu  d'Abraham,  d'Isaac  et  de  Iacob,  le  Dieu  dis-ie,  non  des  morts,  ains  des  vivans.  Mais  pourtant  que  facilement  superstition  survient:  ce  qui  est  demonstre  par  le  trop  grand  abuz  qui  a  este  iusques  a  present:  on  doit  enseigner  le  peuple  diligemment,  de  ne  se  point  fier  aux  Reliques,  ny  les  adorer:  mais  en  icelles  embrasser  tant  seulement  la  foy  et  charite  des  Sainctz:  et  que  par  ce,  on  doit  estre  enflambe  de  la  recordation  de  leur  vie  et  doctrine:  estant  par  ce  fortifie  en  l'esperance  de  la  resurrection  future.  Mais  aussi  en  ce  faisant,  il  se  fault  bien  garder  que  nulles  aultres  Reliques  ne  soient  mises  au  lieu  des  vrayes  des  Sainctz  Martyrs:  et  qu'icelles  ne  soient  exposees  ny  portees  de  ca  et  de  la  pour  gaing.  Ce  que  mesme  a  este  ordonne  en  plusieurs  Conciles.  Or  il  est  assez  prouve  par  le  commandement  de  l'Eglise,  que  l'usage  des  Images  n'est  pas  a  condamner  du  tout,  mais  il  se  fault  bien  donner  garde,  que  nous  n'usions  d'icelles  aultrement  que  comme  d'images.  Ce  qui  so  faict  lors,  qu'elles  sont  mises  pour  reduire  seulement  en  memoire  la  recordation  des  choses,  qui  ont  este  faictes,  et  la  souvenance  des  Histoires:  comme  quand  l'Image  de  nostre  Sauveur  est  posee  ou  paincte,  non  pas  qu'elle  soit  honnoree  comme  Dieu  mesme,  ou  que  l'honneur  de  Christ  luy  soit  institue,  mais  tant  seulement  a  ce  qu'elle  soit  proposee  pour  advertir  des  afflictions,  que  Christ  a  souffert  pour  nous,  a  celle  fin  que