48:551  551  IN.  ACTA  APOSTOLORUM  552  nautas  cum  adversis  ventis,  donec  saevior  procella  invaluit,  cuius  exitus  tandem  fuit  naufragium  quod  videbimus.  9.  Multo  autem  tempore  peracto,  et  quum  iam  esset  periculosa  navigatio,  quod  iam  ieiunii  quoque  tempus  praeteriisset:  admonebat  eos  Paulus,  10.  dicens  eis:  Viri,  video  quod  cum  iniuria  multoque  damno  non  solum  oneris  et  navis,  sed  etiam  animarum  nostrarum  futura  sit  navigatio,  ll.  Centurio  autem  gubernatori  et  nauclero  magis  credebat  quam  iis,  quae  a  Paulo  dicebantur.  12.  Et  quum  portus  ineptus  esset  ad  hibernandum,  complures  ceperunt  consilium  illinc  solvendi,  si  quo  modo  possent  pervenire  Phoenicem  et  illic  hibernare.  Is  est  portus  Cretae  spectans  ad  Africum  et  ad  Chorum.  13.  Adspirante  autem  austro,  rati  se  propositi  compotes,  quum  transgressi  essent  propius,  praeterlegebant  Cretam.  14.  Sed  non  multo  post  coortus  est  contra  ipsam  ventus  typhonicus,  qui  vocatur  euroclydon,  15.  quumque  correpta  esset  navis,  nec  posset  obniti  vento,  data  flatibus  nave  ferebamur.  16.  In  insulam  autem  quandam  devecti,  quae  vocatur  Clauda,  vix  potuimus  obtinere  scapham:  17.  qua  sublata,  adiutoriis  utebantur,  subcingentes  navem,  timentesque  ne  in  syrtim  inciderent,  demisso  vase  sic  ferebantur.  18.  Quum  autem  vehementi  tempestate  iactaremur,  sequenti  die  iactum  fecerunt.  19.  Ac  tertio  die  nostris  manibus  armamenta  navis  proiecimus.  20.  Porro  neque  sole  neque  sideribus  apparentibus  ad  complures  dies,  et  tempestate  non  exigua  imminente,  iam  ablata  erat  spes  omnis  salutis  nostrae,  9.  Quum  iam  esset  periculosa  navigatio.  Non  modo  intelligit  ventos  fuisse  tunc  contrarios,  sed  incommodum  etiam  anni  tempus,  quod  clarius  deinde  exprimit,  dicens  ieiunium  praeteriisse.  Hanc  enim  particulam  exegetice  additam  esse  puto,  ad  notandum  finem  autumni.  Nec  refert  quod  centurioni  et  reliquis  vectoribus  ac  nautis  ignotum  erat  solenne  illud  ieiunii  tempus,  quod  notatur  a  Luca.  Nam  ex  more  populi  iudaici  partes  anni  designat.  Porro  dubium  non  est  quin  autumnale  esset  ieiunium.  Quamquam  eorum  opinioni  non  assentior,  qui  unum  ex  quatuor  ieiuniis  fuisse  putant,  quae  sibi  instituerant  Iudaei  post  babylonicum  exsilium.  Tertium  enim  quod  erat  septimi  mensis,  quum  prae  aliis  celebre  non  foret,  utpote  ob  mortem  Godoliae  et  cladem  reliqui  populi  indictum,  non  simpliciter  posuisset  Lucas,  sed  adiecta  distinctionis  nota.  Deinde  nescio  an  post  reditum  mos  ille  retentus  a  populo  fuerit.  Magis  probabile  est  festum  expiationis  intelligi,  quo  iubebat  Dominus  animas  affligi  per  septem  dies.  Initium  vero  fiebat  a  decimo  die  mensis  septimi:  cui  nunc  partim  September,  partim  October  respondet.  Quum  ergo  iam  Octobrem  in-