40:551  551  PRAELECTIONES  552  abiiciendas  esse  omnes  delitias.  Daniel  quidem  (ut  heri  vidimus)  non  constituit  virtutem  in  abstinentia  huius  vel  illius  cibi:  et  quidquid  hactenus  retulit,  non  spectavit  in  alium  finem,  nisi  ut  sciamus  praecavisse  periculum,  ne  scilicet  transiret  in  mores  alienae  gentis,  atque  ita  se  Babyloniis  misceret,  ut  non  reminisceretur  se  esse  filium  Abrahae.  Sed  tamen  hoc  necessarium  erat,  renuntiare  aulicis  delitiis.  Quanquam  ergo  suppetunt  cibi  delicati,  sponte  illos  a  se  repellit,  quia  scilicet  erat  exitialis  pollutio  (ut  ante  vidimus)  non  per  se,  sed  propter  consequentiam.  Sic  Moses  quum  fugit  ex  Aegypto,  transiit  in  novam  vitam  et  longe  diversam  a  superiori.  Vixerat  enim  laute  et  opipare  in  aula  regia  quasi  esset  regis  nepos.  Tenuiter  autem  victitat  in  deserto  postea,  et  molestissimo  etiam  labore  victum  sibi  acquirit:  Postposuit  delitias  Aegypti  (inquit  Apostolus  [Hebr.  l  l  ,  26])  cruci  Christi.  Quare?  neque  enim  poterat  simul  et  Aegyptius  censeri,  et  retinere  gratiam,  quae  promissa  fuerat  filiis  Abrahae.  Erat  quaedam  haec  abnegationis  species,  semper  manere  in  aula  regis.  Sciamus  ergo  hoc  esse  verum  experimentum  nostrae  frugalitatis  et  temperantiae,  si  possumus  esurire,  ubi  Deus  nos  ad  inopiam  et  egestatem  cogit:  imo  etiam  si  sponte  possumus  abiicere  delitias,  quae  nobis  essent  ad  manum,  sed  nostro  exitio.  Nam  hic  subsistere  in  leguminibus  et  aqua  esset  valde  frivolum  :  quia  maior  interdum  intemperantia  se  prodit  in  leguminibus,  quam  in  optimis  quibusque  et  lautissimis  cibis.  Si  quis  debili  valetudine  appetat  legumina  et  alios  cibos,  qui  minus  conducunt,  ille  certe  damnabitur  intemperantiae.  Si  autem  vescatur  cibis  boni  succi  (ut  loquuntur)  et  ita  se  sustentet,  erit  laus  frugalitatis.  Si  quis  ergo  aquam  appetat,  et  sese  ingurgitet:  respuat  autem  vinum,  non  erit  hoc  laudabile,  quemadmodum  scimus.  Ergo  in  ipsa  specie  ciborum  non  debemus  subsistere,  ut  sciamus  quanta  fuerit  virtus  Danielis.  Sed  semper  debemus  dirigere  mentes  nostras  ad  finem  consilii,  nempe  quod  voluit,  quantum  in  se  erat,  ita  vivere  sub  imperio  regis  babylonii,  ut  tamen  separata  esset  conditio  ipsius  a  communi  more  gentis,  nec  unquam  oblivisceretur  se  esse  Israelitam:  et  nisi  fuisset  tanta  diversitas,  non  poterat  satis  se  ipsum  acuere  Daniel,  et  subinde  excutere  vel  expergefacere  torporem  suum.  Quemadmodum  si  suppetat  tolerabilis  victus,  non  facile  retinemur  in  officio.  Quum  ergo  necesse  esset  versari  ante  oculos  Danieli  manifestum  aliquod  et  insigne  discrimen,  quo  se  ipsum  a  Chaldaeis  separaret,  hinc  factum  est,  ut  legumina  et  aquam  peteret.  Postremo  docet  hic  locus,  etiamsi  tantum  occurrant  nobis  radices,  vel  folia  arborum,  imo  si  terra  ipsa  non  proferat  nobis  vel  minimum  germen:  tamen  Deum  posse  nobis  benedicere,  ut  simus  vegeti  et  alacres,  non  minus  quam  qui  af-