35:551  551  TROISIEME  SERMON  552  son  Prophete,  il  a  desploye  quant  et  quant  sa  main:  et  i'experimente  que  ce  message-ci  n'est  pas  comme  une  menace  de  petis  enfans,  mais  que  Dieu  m'a  declare  et  denonce  la  guerre,  laquelle  se  fait  comme  a  feu  et  a  sang,  et  semble  qu'il  n'y  ait  plus  de  remede.  Or  nous  avons  encores  yci  un  bon  passage  pour  nous  monstrer  qu'il  nous  faut  despiter  Satan  et  toute  incredulite,  quand  il  est  question  de  prier  Dieu:  tellement  que  quand  nous  aurions  cent  mille  disputes,  nous  ne  laissions  pas  de  conclure:  Si  est-ce  que  ie  surmonteray  tous  obstacles  en  la  vertu  de  mon  Dieu:  encore  le  chercheray-ie  combien  qu'il  me  repousse,  et  qu'il  semble  qu'il  y  ait  une  centaine  d'armees  pour  me  reietter  bien  loin,  si  est-ce  qu'encore  ie  viendray  a  luy.  Voyla  (di-ie)  comme  il  nous  faudra  estre  armez,  quand  il  est  question  de  prier  Dieu:  car  comme  nous  avons  besoin  en  toutes  extremitez  de  recourir  a  nostre  Dieu,  aussi  faut-il  que  nous  cognoissions  que  Satan  fait  tous  ses  efforts  pour  empescher  que  nous  n'ayons  nostre  addresse  a  Dieu,  et  n'y  a  celuy  des  fideles  qui  ne  le  sente  plus  qu'il  ne  seroit  a  souhaitter:  mais  cependant  cognoissans  la  maladie,  que  nous  prenions  le  remede  tel  qu'il  nous  est  yci  donne  de  Dieu.  Quand  donc  le  diable  nous  mettra  en  avant,  Que  ferois-tu  a  prier  Dieu?  Et  pensestu  qu'en  tant  de  povretez,  que  tu  sens  en  toy,  il  te  voulust  aider?  Et  que  penses-tu  miserable  creature?  A  qui  t'addresses-tu  ?  N'est-ce  pas  Dieu  mesme  qui  te  persecute?  passons  outre  neantmoins,  et  efforcons  nous  de  rompre  tous  empeschemens,  en  mettant  comme  sous  le  pied  tous  tels  discours  extravagans.  Au  reste,  il  adviendra  qu'estans  encore  en  quelque  repos,  si  nous  eslevons  nos  sens  a  Dieu,  cela  incontinent  nous  vient  en  fantasie,  Helas,  qui  sommes-nous?  Oserions-nous  maintenant  nous  addresser  a  Dieu?  Combien  de  fois  l'avons-nous  offense?  Sur  cela  nous  concluons  quelque  fois  de  nous  tenir  la.  Cependant  neantmoins  telles  disputes  sont  bien  mauvaises:  car  ce  sont  autant  de  blasphemes,  si  Dieu  nous  les  vouloit  imputer:  comme  quand  nous  entrons  en  question  ou  en  doute  si  nous  serons  exaucez  ou  non,  il  est  certain  que  c'est  une  offense  mortelle,  et  si  Dieu  ne  nous  supportoit  en  nos  foiblesses,  nous  en  pourrions  estre  abysmez.  Mais  quoy  qu'il  en  soit,  apres  nous  estre  condamnez,  apres  avoir  senti  que  nostre  esprit  est  enveloppe  en  beaucoup  de  desfiances,  brief,  que  c'est  un  labyrinthe,  que  la  dessus:  toutes  fois  nous  prenions  courage,  et  qu'apres  avoir  dit  Helas,  que  doy-ie  faire?  nous  rompions  le  coup  pour  dire,  Si  faut-il  encore  prier  et  cercher  mon  Dieu:"  et  pourquoy?  Car  il  a  dit  qu'il  exaucera  ceux  qui  le  requerront,  et  fust-ce  du  profond  des  abysmes.  Or  m'y  voyci:  c'est  donc  le  temps  opportun  qu'il  me