32:551  551  SIXIEME  SEKMON  552  bon  et  expedient  pour  nostre  salut.  Et  ce  bien  qu'il  nous  revient  de  cognoistre  cela,  est  inestimable:  ascavoir  que  nous  pouvons  cheminer  au  large,  c'est  a  dire,  que  nous  sommes  delivrez  de  beaucoup  de  perplexitez,  et  d'angoisses:  que'  nous  ne  pouvons  estre  abbatus  du  tout,  s'il  nous  advient  quelque  mal  qui  nous  presse:  pource  que  nous  faisons  tousiours  ceste  conclusion,  que  nous  ne  pourrons  estre  vaincus,  veu  que  Dieu  nous  tient  la  main  forte.  Et  de  fait,  qui  est  cause  que  les  hommes  sont  tant  souventes  fois  tourmentez,  sinon  d'autant  qu'ils  ne  se  remettent  point  a  Dieu?  Il  est  vray  qu'il  y  en  a  bien  peu  qui  cognoissent  cecy,  mais  la  chose  est  telle:  quand  nous  y  aurons  bien  regarde  de  pres,  nous  trouverons  que  nous  ne  sommes  empeschez  que  par  nostre  ingratitude  :  d'autant  que  nous  avons  voulu  estre  trop  sages,  que  nous  n'avons  point  voulu  donner  a  Dieu  cest  .  honneur-la,  qu'il  nous  gouvernast,  qu'il  dominast  sur  toute  nostre  vie,  et  qu'il  nous  retinst  en  sa  suiettion,  il  faut  que  nous  recevions  nostre  salaire.  Car  les  hommes  quand  il  est  question  de  deliberer  de  ce  qu'ils  ont  a  faire,  voudront  entrer  en  leurs  speculations.  Il  n'est  point  question  ne  nouvelles  de  recourir  a  Dieu,  ne  de  l'invoquer,  mais  chacun  voudra  faire  ce  que  bon  luy  semblera.  Or  il  faut  que  Dieu  nous  paye  en  telle  monnoye  que  nous  l'avons  merite:  qu'il  nous  mette,  di-ie,  en  telles  perplexitez  que  nous  ne  scachions  que  nous  devrons  devenir,  et  que  les  angoisses  nous  contraignent  a  dire,  Que  sera-ce?  Par  ou  commenceray-ie?  Quelle  en  sera  l'issue?  Voyla  comme  nous  voyons  le  povre  monde  iournellement  enserre,  qu'il  semble  que  nous  soyons  plus  que  perdus.  Qui  en  est  cause?  ce  sont  les  hommes  qui  bastissent  de  tels  labyrintes:  et  c'est  d'eux-mesmes  qu'ils  sont  ainsi  tourmentez.  Car  David  nous  a  yci  declaire,  que  tous  ceux  qui  cerchent  les  commandemens  de  Dieu,  cheminent  au  large.  Vray  est  que  les  fideles,  encores  qu'ils  ayent  tasche  d'obeir  a  Dieu,  et  qu'ils  se  soyent  laisse  gouverner  par  luy:  toutesfois  ne  laissent  pas  d'avoir  de  merveilleuses  angoisses,  qu'ils  ne  scauront  souventes  fois  ce  qu'ils  devront  faire,  ouy  en  eux-mesmes:  mais  tant  y  a,  qu'ils  viennent  a  Dieu,  et  remettent  sur  luy  toutes  leurs  solicitudes,  ainsi  qu'il  est  parle  au  Pseaume  trenteseptieme.  La  ils  se  trouveront  dechargez.  Et  ainsi,  ils  vont  tousiours  leur  train:  ^ar  ils  scavent  que  Dieu  ne  leur  peut  faillir  iamais.  Voyla  donc  comme  nous  pourrons  bien  estre  tentez  de  beaucoup  d'angoisses  et  de  fascheries,  que  nous  ne  serons  point  exemptez  de  beaucoup  d'inquietudes:  mais  tant  y  a  que  Dieu  nous  en  deschargera  tousiours,  comme  il  est  dit  en  l'autre  passage  du  Pseaume,  que  quand  nous  aurons  este  enserrez  pour  peu  de  temps,  Dieu  nous  mettra  au  large:  comme  aussi  sainct  Paul  en  traitte  en  la