20:551  551  EPISTOLAE  4248.4249  552  crucifixerant,  qui  Christianos  persequebantur,  qui  non  contenti  iustificatione  fidei  cultus  legales  et  caeremonias  necessario  observari  volebant,  quae  tamen  non  liberae  et  indifferentes  sed  plane  Christo  contrariae  videbantur,  quum  illae  umbrae  sint  veritati  plane  adversae,  et  ita  Christum  tanquam  non  manifestatum  sepeliant.  Qua  ratione  videtur  non  tantum  Paulum  et  caeteros  apostolos  abstinere  debuisse  ab  ingressu  templi,  verum  prohibere  debuisse  ne  alii  ad  orandum  et  adorandum  ingrederentur.  Quod  ad  Pauli  exemplum  pertinet  citant  quod  habetur  Actor.  18  v.  18  nempe  totundisse*  caput  in  Cenchrea,  et  cum  Nazareis  sese  in  templo  Ierosolymitano  purificasse  Actor.  21.  v.  26,  quod  non  sine  sacrificio  fiebat,  ut  constat  ex  6��  Capite  Numerorum  vers.  l  l  .  et  18,  quum  non  minus  Christi  sacrificio  contraria  sint  legalia  sacrificia  quam  papistica.  Nam  ut  sacrificia  legalia  umbrae  erant  sacrificii  Christi  venturi,  quo  adveniente  umbrae  evanescebant,  ita  sacrificia  papistica  a  papistis  umbrae  habentur  iam  manifestati  Christi,  quum  tamen  veritate  adveniente  omnino  cessare  debeant.  Istud  tantum  discrimen  notatur  quod  sacrificia  legis  instituta  erant  a  Domino,  papistarum  ab  hominibus  inventa  et  fabricata  sunt.  Quae  diversitas  est  duntaxat  circonstantiae  non  rei  ipsius,  quae  magis  attendenda  est.  His  ut  potui  respondi  (quamquam  mihi  ipsi  non  satisfeci),  apostolos  adorasse  in  templo  quod  oratione,  quae  species  est  adorationis,  opus  sit  ad  annunciandum  verbum  Dei  quod  in  templo  praedicabatur.  Quod  mihi  non  satisfacio  ratio  est,  quod  adoratio  tunc  appendix  fuisset  concionis  habitae.  Quum  tamen  Lucas  causae  istius  non  meminerit,  quam  (ut  erat  praecipua)  non  praetermisisset,  si  propter  annunciandum  verbum  Dei  duntaxat  orasset.  Scio  non  deesse  qui  in  templo  orasse  Paulum  aiunt  ut  converterentur  Iudaei  ad  Christum:  quo  facto  amorem  suum  erga  Iudaeos  Paulus  commonstrasset,  et  ita  se  illis  conciliasset,  ut  Iudaei  promptiores  esse  potuerint  ad  amplectendum  Christum  per  ministerium  Pauli.  Sed  dubito  an  ita  expositio  subtilior  esse  videatur  quam  ut  recipi  debeat.  Qui  asserunt  in  templo  Ierosolymitano  Paulum  et  Apostolos  cum  Iudaeis  orasse*  potuisse  in  coetu  Iudaeorum,  quia  venit  tempus  quo  licet  ubique  orare,  non  satisfaciunt,  quum  eadem  ratione  in  templis  et  coetu  papistico  qui  verbum  Dei  norunt  orare  possint.  Nec  intelligo  quo  modo  preces  post  Christum  crucifixum  in  templo  Hierosolymitano  habitae  a  Iudaeis  Deo  acceptae  ullo  modo  esse  potuerint,  quum  verum  Messiam,  cuius  nomine  accedere  ad  Deum  debebant,  reiecissent,  et  idoli  nomine  Deum  orarent  quum  alterius  quam  Christi  crucifixi  veri  Messiae  nomine  Deum  invocarent.  Nam  si  non  in  nomine  Messiae  orabant,  non  magis  licebat  apostolis  preces