9:550  Itaque  dictum  Christi  de  audiendis  scribis,  ad  suum  commodum  detorquet.  Fateor  eorum  doctrinam  multo  fermento  suisse  corruptam  :  a  quo  cavere  non  frustra  suis  Christus  praecipit  (Matth.  16,  si.  l  l  )  ,  irrita  fecisse  mandata  Dei  propter  suas  traditiones.  Sed  an  permisit  Christus  discipulis  contagione  fermenti  se  inficere?  An  voluit  fictitiis  traditionibus  esse  addictos,  quum  pronunciet  hoc  modo  Deum  frustra  coli,  et  Isaiae  [pag.  99]  vaticinium  confirmet,  ubi  horribilem  vindictam  sumpturum  se  minatur  de  toto  populo,  qui  ipsum  coluerat  mandato  et  doctrinis  hominum  (Matth.  15,  8  seq.,  Isaiae  29,  13)?  Tollat  hoc  iugum  servitutis  e  papatu  censor,  ut  ad  eorum  conventus  liber  nobis  accessus  pateat.  Sed  notare  operae  pretium  est  quam  improbo  frivolo  commento  depravet  Christi  verba.  Admonet,  inquit,  Christus  suos  ut  audiant  in  cathedra  Mosis  sedentes,  id  est,  summa  autoritate  et  potestate  fungentes  ex  instituto  Mosis.  At  turpis  inscitiae  coarguitur,  summam  autoritatem  arrogans  scribis  et  Pharisaeis,  quorum  [pag.  100]  plerique  ex  genere  et  ordine  sacerdotali  non  erant.  Ubi  unquam  Moses,  obsecro,  sedem  attribuit  sectarum  magistris?  Deinde  quid  est  censori  Audire,  nisi  propositam  doctrinam  obedienter  amplecti?  Ergo  discipulos  erroribus  parere  oportuit,  a  quibus  cavere  iussi  fuerant.  Hoc  falsi  crimen  incogitantiae  praetextu  extenuari  non  potest.  Neque  enim  ignorat,  non  aliam  esse  verborum  Christi  summam,  nisi  perversa  et  flagitiosa  scribarum  vita  nihil  decedere  legis  doctrinae,  quin  semper  apud  filios  Dei  vigeat  eius  autoritas  et  reverentia.  Quum  ergo  Christi  consilium  [pag.  101]  fuerit  mederi  vulgari  morbo,  (quia  dum  aestimat  mundum  coelestem  doctrinam  ex  flagitiosis  eorum  moribus  qui  eam  exponunt,  eam  ut  plurimum  vilipendit)  censor  his  verbis  obtegi  vult  et  fucari  errores  quoslibet  ac  doctrinae  corruptelas.  Videtur  quidem  ab  hoc  scelere  se  tandem  purgare,  quum  addit,  parendum  ex  legis  praescripto  monentibus.  Sed  quid  iuvat  tam  insulse  tergiversari,  quum  paulo  ante  praefatus  sit  non  obstare  errores  tum  doctrinae  tum  traditionum  quin  illis  obediendum  sit?  Orditur  de  integro  eandem  telam,  ac  papistas  a  defectionis  [pag.  102]  crimine  absolvit,  quia  non  se  prorsus  alienaverint  ab  ecclesia,  quamvis  a  doctrinae  puritate  quae  in  primitiva  ecclesia  floruit  degeneraverint:  et  speciosum  colorem  inducit,  ecclesiam  ab  ipso  fundamento,  quod  est  Christus,  aestimandam  esse  :  cui  fundamento  si  posteri  pro  auro,  et  argento,  et  lapidibus  pretiosis,  lignum,  foenum  et  stipulam  superstruxerint,  non  tamen  continuo  a  fundamento  recessisse.  Haec  sunt  eius  verba.  Itane  ut  in  Christo  fundati  esse  dicantur  qui  totam  eius  virtutem  funditus  diruerunt?  Atque  ut  censoris  vel  malitiam,  vel  stuporem  melius  [pag.  103]  animadvertant  lectores,  quum  duo  in  Christo  consideranda  sint,  essentia  35*