6:550  corruptible:  ont  servy  a  la  creature,  et  non  point  au  createur  (Rom.  1,  23).  Mais  afin  qu'on  entende  plus  clairement,  combien  est  foyble  ceste  defense,  prenons  exemples  de  l'escriture,  [page  2  5]  convenables  a  ce  propos.  Voila  le  serpent  d'airain  qui  n'avoit  pas  este  forge  temerairement  par  la  folie  des  hommes:  mais  par  le  vouloir  de  Dieu  (Nomb.  21,  8).  C'estoit  non  seulement  un  memorial  du  benefice  que  Dieu  avoit  faict  au  peuple  d'Israel:  mais  un  sainct  Sacrement  de  Iesus  Christ  (Iean  3,  14).  Depuis  les  successeurs  en  firent  une  idole  execrable  (2  Roys  18,  4),  et  toutesfois  ce  n'estoit  pas  sans  pretendre  belle  couleur  du  Nom  de  Dieu.  Ie  demande  maintenant,  si  quelqu'un  de  ce  temps  la  eust  faict  semblant  de  l'adorer  pour  se  conformer  a  la  buperstition  du  peuple:  si  nous  le  voudrions  excuser?  Ie  pense  qu'il  n'y  a  nul  qui  ne  le  condamnast.  Voila  pareillement  le  veau  d'or  que  fondit  Aaron:  Estoit  ce  pasl)  pour  representer  le  Dieu  vivant  ?  Car  (juand  il  fit  proclamer,  que  le  peuple  s'assemblast  pour  celebrer  la  feste  du  Seigneur,  qui  l'avoit  retire  de  la  terre  d'Egypte,  cela  fut  receu  de  chascun  sans  contredit.  C'estoit  doDc  une  ceremonie  mise  sus  [page  26]  pour  honnorer  Dieu  :  mais  pource  qu'elle  estoit  faulse  et  perverse,  elle  est  reputeo  idolatrie.  Celuy  qui  eust  faict  semblant  d'y  consentir,  s'excusant  de  ce  tiltre  de  Dieu,  eust  il  este  pourtant  innocent?  Nous  le  scaurions  bien  tous  condamner.  Pourquoy  est  ce  donc  qu'en  semblable  cause  nous  voulons  avoir  bon  droict?  Autant  en  est  il  des  veaux  que  dressa  Ieroboam  (1  Roys  12,  28).  Car  il  ne  faisoit  pas  profession  de  vouloir  introduire  un  Dieu  nouveau:  mais  plustost  protestoit  qu'il  se  vouloit  tousiours  tenir  au  Dieu  vivant,  Et  de  faict,  il  n'avoit  autre  fin,  sinon  d'empescher  le  peuple  d'aller  en  Ierusalem,  de  paour  qu'il  ne  se  revoltast  contre  luy,  pour  se  reioindre  a  la  maison  de  David.  C'estoit  neantmoins  idolatrie,  pour  ce  qu'il  inventoit  une  forme  estrange  contre  la  parolle  de  Dieu.  Si  quelqu'un,  ne  consentant  point  au  reste  a  ceste  abomination,  eust  la  sacrifie,  eust  il  bien  faict?  Et  sans  aller  plus  loing,  lisons  nous  que  quelque  serviteur  de  Dieu  [page  27]  ait  iamais  la  adore?  au  contraire  nous  lisons  que  le  Seigneur  le  defendoit  par  ses  prophetes,  comme  un  crime  fort  execrable.  Pour  mettre  fin  a  cest  article:  le  temple  de  Samarie,  estoit  il  edifie  au  nom  de  Iupiter  ou  de  Mars?  Nous  scavons  que  c'estoit  au  Nom  du  Dieu  d'Israel.  Estoit  il  pourtant  licite  a  nul  fidele  d'y  adorer?  Il  est  tout  notoire,  que  c'eust  este  une  abomination  extreme.  Ie  Conclud  donc,  suivant  ces  raisons  invincibles,  qu'il  1)  Annon  in  hoc  factus  erat  a  populo  etc.  35*