5:550  teurs  avec  nous,  qui  ont  ia  merite  d'estre  faictz  combourgeoys  d'en  hault.  Et  pource  que  facilement  les  hommes  tumbent  de  vraye  piete  en  superstition,  on  les  doit  enseigner  diligemment  et  sans  se  faindre,  touchant  ces  choses  icy.  C'est  assavoir  de  colloquer  leur  fiance  en  Dieu  seul:  a  iceluy  seul  offrir  sacrifices:  lequel  doit  estre  invoque  comme  autheur  unique  de  nostre  salut:  et  que  les  sainctz  ne  doivent  estre  aultrement  reputez  que  intercesseurs  diligens  envers  Dieu,  estans  soliciteux  de  nostre  salut:  lesquelz  nous  devons  honnorer  et  imiter,  Jnon  en  leur  propre  vertu,  mais  en  Dieu  seulement,  auquel  on  doit  rendre  graces  a  cause  de  leurs  victoires.  Veritablement  sainct  Augustin  en  escript  excellemment  a  Boniface  contre  l'Epistre  de  Pelagius.  l)  Nous  n'edifions  point  (dit-il)  des  temples  aux  Martyrs,  ni  ne  constituons  prestrises,  services,  ny  sacrifices:  car  ce  ne  sont  pas  eux,  mais  c'est  leur  Dieu,  qui  est  le  nostre.  Il  est  bien  vray  que  nous  honnorons  leurs  sepulchres  et  monumentz,  comme  de  sainctz  personnages  qui  ont  bataille  iusques  a  la  mort  corporelle,  pour  la  verite,  a  celle  fin  que  la  Religion  fust  de  plus  manifestee,  les  aultres  faulses  Religions  estans  vaincues  et  abbatues.  Et  qui  est  celuy  qui  a  ouy  quelque  foys  le  Prestre  des  fideles  estant  a  l'autel,  mesme  sus  un  corps  sainct  d'un  Martyr,  autel  (dis-ie)  esleve  pour  l'honneur  et  service  de  Dieu,  dire  en  ses  prieres:  Pierre,  Paul  ou  Cyprian  [fol.  46]  ie  t'offre  ce  sacrifice?  Lors  qu'aux  monumentz  d'iceux  on  offre  a  Dieu  qui  les  a  faictz  et  hommes^  et  Martyrs  :  les  associans  par  honneur  celeste  a  ses  sainctz  Anges:  a  celle  fin  aussi,  que  par  tel  honneur  nous  rendions  graces  au  vray  Dieu  pour  les  victoires  qu'ilz  ont  obtenues:  nous  enhortans  nousmesmes  a,  l'imitation  de  telles  coronations  et  triumphes,  ayant  invoque  iceluy  mesme  Dieu,  par  la  recordation  de  leur  memoire.  Donc  tout  le  service,  qui  est  faict  es  lieux  des  (bienheureux  Martyrs,  est  pour  la  decoration  de  leurs  monumentz:  non  pour  service  ou  sacrifice  dediez  aux  mortz  comme  a  Dieu.  Cestes  sont  les  parolles  de  sainct  Augustin.  Touchant  les  vrayes  Reliques  des  sainctz  Martyrs,  tousiours  telle  a  este  l'opinion  en  l'Eglise:  qu'elles  doivent  estre  tenues  en  reverence  et  devotion.  Premierement,  pource  que  ces  cendres  et  oz  des  Sainctz  sont  gaiges  et  despouilles  a  nous  delaissees:  lesquelles  nous  advertissent  de  la  foy  et  charite  qui  a  este  en  eux:  entant  que  nous  reduysons  en  memoire  que  ces  mesmes  oz  (desquelz  ia-dis  le  corps  qui  est  le  domicile  de  la  grace  inhabitante  a  este  conioinct:  auxquelz  aussi  les  membres  ont  este  adioinct)  ont  este  auparavant  les  tem-  1)  Livre  III.  Chap.  .3  35*